¿Kasa shikirajaka tü Wiwüliakat?
¿Niache Maleiwa kasitka tü müliaakat?
Eeshii eekai namüin:
«Aa»
«Nnojo»
«Jamüin paajüin»
¿Jamajaʼa saaʼin pümüin?
Tü sümakat tü Wiwüliakat
«Nnojorüleejaʼa süpüla naaʼinrüinjatüin chi Maleiwa shiimainshikai wanee kasa mojusü süka lotuin maʼin nukuwaʼipa sümüin wayuu» (Job 34:10, TNM). Nnojoishi niain Maleiwa kasirüin tü mojulawaakat jee tü müliakalü atuma wayuu.
¿Kasa maa süküjaka tü Wiwüliakat?
Tü müliaakat nüsirü Satanaa, chi aluwataakai saaʼu wayuu sainküin mma (Juan 14:30).
Eesüya tü mojulawaakat jee tü müliaakat sutuma tü kasa naaʼinrakat wanee wayuu (Santiago 1:14, 15).
¿Ajaʼtteetche tü müliaakat soʼu wanee kaʼi?
Tü namakat waneeinnua wayuu Eeshii na anoujakana sünain sajaʼtteerüin tü müliaakat paaʼinwajiraale wayuu süchiirua tia. Eepejeʼe na nnojoliikana anoujain sünain sajaʼttüinjatüin tia. ¿Jamüsüjaʼa pünüiki süchiki tia?
Tü sümakat tü Wiwüliakat
Najaʼttireerü Maleiwa tü müliakalü atuma wayuu. «Müiria nnojolüin ouktaa, mojuu aaʼin, aʼyalajaa, je saalii ayuulii» (Alateetkat Mapeena 21:3, 4).
¿Kasa maa süküjaka tü Wiwüliakat?
Nükajee Jesuu, najaʼttireerü Maleiwa tü kasa mojusü naaʼinrakat chi Yolujaakai, tü müliakalü atuma wayuu (1 Juan 3:8).
Na wayuu anamiakana, nayainjana kepiakana saaʼu tü Mmakat süpüla kaʼikat süpüshuaʼa (Salmo 37:9-11, 29).
Eesüjaʼa kamalainjeerüle pümüin aashajeʼeraa tüü
ENSEÑANZAS IMPORTANTES DE LA BIBLIA
¿Jamüsü nuuʼulaaka Maleiwa eein kasa mojusü otta müliaa?
Asoutusü tü Wiwüliakat shiʼipajee tia jee sütütüleʼerüin waaʼin.
