Viernes 24 de febrero de 2023, ojapo un áño oñepyrũ hague peteĩ mbaʼe ñambyasyetereíva: pe gérra Ucrániape. Oĩ infórme omombeʼúva oĩha amo 300.000 soldádo ucraniano ha ruso omano térã opyta vaʼekue erído. Ha posívlemente oĩ amo 30.000 persóna inosénte omano vaʼekue ko gérra káusare. Péro ikatu voi hetave hína umi omano vaʼekue.

 Ñambyasýramo jepe, ko gérra haʼete ndopamoʼãiva gueteri.

•   El 19 de febrero de 2023, pe NPR [radio pública nacional de Estados Unidos] heʼi: “Ojapótama un áño umi soldádo ruso oike hague Ucrániape, ha ndaipóri mbaʼeve ohechaukáva añetehápe pe gérra opa potamaha. Ndojehechái avei peteĩva oganataha pe gérra térã otopataha hikuái peteĩ solusión mokõivépe g̃uarã”.

 Ajeve voi ningo hetaiterei persónape oipyʼapy ohechávo mbaʼéichapa umi inosénte osufri ha ohasa asy, kóva ha hetave gérra káusare. ¿Mbaʼe esperánsapa omeʼẽ ñandéve la Biblia? ¿Opánepa algún día umi gérra?

 La Biblia omombeʼu oĩtaha peteĩ gérra idiferénteva, osalvátava yvyporakuérape. Ko gérrape oñehenói Armagedón, ha Apocalípsispe heʼi oikotaha “Ñandejára Todopoderóso ára guasúpe” (Apocalipsis 16:14, 16). Ko ñorairõ rupive, Ñandejára oipeʼapaitéta umi yvypóra goviérno opermitíva oĩ hetaiterei gérra ñanembohasa asýva. Jaikuaa hag̃ua mbaʼéichapa pe Armagedón oguerúta pyʼaguapy, elee koʼã artíkulo:

•   “¿Qué es el Armagedón?”

•   “Armagedón, peteĩ notísia iporãva”