LEKSIÓN 42
¿Mbaʼépa heʼi la Biblia umi soltéro ha omendávare?
Oĩ heta opensáva umi nomendáiva ndaikatumoʼãiha voínte ovyʼa. Péro añetehápe oĩ heta soltéro ovyʼáva, ha naentéroi umi omendáva ovyʼa katuete. La Biblia heʼi pe matrimónio ha pe soltería haʼeha Ñandejára rregálo.
1. ¿Mbaʼeichagua ventáhapa oreko umi soltéro?
La Biblia heʼi: “Pe omendáva odesidi porã, péro pe nomendáiva odesidi porãvéntema” (elee 1 Corintios 7:32, 33, 38). ¿Mbaʼe sentídopepa umi opytáva soltéro odesidi porãve? Umi omendáva ningo siémpre ojepyʼapy iména térã hembireko oikotevẽvare, péro peteĩ soltéro natekotevẽi ojepyʼapy umi mbaʼére ha oreko hetave liverta. Upéicha rupi ikatu ojapo hetave mbaʼe Jehová servísiope. Por ehémplo ikatu opredikave, térã oho oservi umi lugár oĩvehápe nesesida. Ha iñimportanteveha, umi soltéro itiempove oñemoag̃uive hag̃ua Jehováre.
2. ¿Mbaʼeichagua ventáhapa oreko umi omendáva?
Umi omendáva oreko avei heta ventáha. Eclesiastés 4:9 heʼi: “Mokõi iporãve peteĩgui”. Ko téxto koʼýte oñekumpli umi matrimónio ojapóvare la Biblia heʼíva. Haʼekuéra opromete ojupe siémpre ojoayhutaha, ojorrespetataha ha okuidataha ojuehe. Umi paréha oikóva oñondive omendaʼỹre pyʼỹinte okyhyje ha noñeñandúi segúro, péro umi omendáva ndahaʼéi upéicha. Ha oiméramo ifamíliama, haʼekuéra avei oñeñandu segúro hogapýpe.
3. ¿Mbaʼépa Jehová opensa pe matrimóniore?
Jehová omoñepyrũrõ guare pe primer matrimónio heʼi vaʼekue: “Pe kuimbaʼe ohejáta itúa ha isýpe, ha opytáta hembirekóndi” (Génesis 2:24). Jehová oipota umi omendáva siémpre ojoayhu ha opyta oñondive oikove aja entéro. Haʼe opermiti pe divórsio sólamente peteĩva omoakãratĩramo pe ótrope. Upéicha jave Jehová omeʼẽ pe inoséntepe la derécho odesidívo ojedivorsiátapa térã nahániri (Mateo 19:9). a Jehová nopermitíri oĩ isiervokuéra apytépe kuimbaʼe omendáva mokõi térã hetave kuñáre (1 Timoteo 3:2).
EJEPYʼAMONGETAMÍNA
Jahechamína mbaʼéichapa nde ikatu revyʼa ha rembovyʼa avei Jehovápe, tahaʼe jepe raʼe remendáva térã nahániri.
4. Umi soltéro ikatu oaprovecha porã pe rregálo Jehová omeʼẽva chupekuéra
Jesús ohecha vaʼekue pe soltería peteĩ rregáloicha (Mateo 19:11, 12). Elee Mateo 4:23, ha upéi erresponde ko porandu:
-
¿Mbaʼéichapa Jesús oaprovecha isoltería oservi hag̃ua Itúape ha oipytyvõ hag̃ua la héntepe?
Umi kristiáno ikatu avei oipuru porã isoltería Jesús ojapo haguéicha. Ehecha pe VIDÉO, ha upéi erresponde ko porandu:
-
¿Mbaʼéichapa kristianokuéra ikatu oipuru porã isoltería?
¿Reikuaápa raʼe?
La Biblia ndeʼíri mboy áñopa jareko vaʼerã ñamenda hag̃ua, péro si heʼi peteĩ persóna ikatuha omenda “ndahaʼéima guive la imitãitereíva”. ¿Mbaʼérepa? Pórke umi imitãvape ijetuʼuve okontrola hag̃ua umi sentimiénto ha deséo sexuál oguerekóva, ha umíva káusare ikatu odesidi vai (1 Corintios 7:36).
5. Eiporavo porã ne ména térã ne rembirekorã
Repensa porã vaʼerã mávarepa remendáta, pórke upéva peteĩ desisión iñimportantetereíva hína. Elee Mateo 19:4-6, 9, ha upéi erresponde ko porandu:
-
¿Mbaʼérepa peteĩ kristiáno ndojapurái vaʼerã oelehíta jave mávarepa omendáta?
La Biblia ikatu nepytyvõ reikuaa hag̃ua mbaʼeichagua kualidápa oreko vaʼerã ne irũrã. Ha iñimportanteveha reheka vaʼerã peteĩ ohayhúva Jehovápe. b Elee 1 Corintios 7:39 ha 2 Corintios 6:14. Ha upéi erresponde koʼã porandu:
-
¿Mbaʼérepa ñamenda vaʼerã peteĩ kristiáno ifiélvare añoite?
-
¿Mbaʼéichapa Jehová oñeñandúne ñamendáramo peteĩ ndohayhúivare chupe?
Mokõi animál idiferentetéva ojuehegui oñemoĩramo peteĩ júgo guýpe, mokõivévante osufríta. Upéicha avei peteĩ kristiáno odesidíramo omenda peteĩ ndahaʼéivare Ñandejára siérvo, katuete iprovléma hetáta hikuái
6. Jarrespetákena pe matrimónio
Yma Israélpe oĩ vaʼekue kuimbaʼe ojedivorsiáva hembirekógui oimeraẽ mbaʼe reíre. Elee Malaquías 2:13, 14, 16, ha upéi erresponde ko porandu:
-
Sapyʼánte oĩ matrimónio ojedivorsiáva péro ndahaʼéi katuete peteĩva omoakãratĩ haguére pe ótrope, ¿mbaʼérepa Jehová ndochaʼeiete peichagua divórsiore?
Pe otraisionáva ha ojedivorsiáva hembiayhúgui, ombosufri chupe ha avei ifamiliakuérape
Ehecha pe VIDÉO, ha upéi erresponde ko porandu:
-
Oiméramo nde remenda peteĩ ndahaʼéivare Jehová siérvo, ¿mbaʼépa ikatu rejapo lomímonte revyʼa hag̃ua ne matrimóniope?
7. Ñakumplíkena umi mbaʼe Jehová omandáva umi matrimóniope
Algúnope g̃uarã sapyʼánte ijetuʼu okumpli hag̃ua umi mbaʼe Jehová omandáva umi matrimóniope. c Péro Jehová ningo katuete ovendesi umi oñehaʼãvape ojapo upéva. Ehecha pe VIDÉO.
Elee Hebreos 13:4, ha upéi erresponde koʼã porandu:
-
¿Ndépa ere isentidoha umi mbaʼe Jehová omandáva umi matrimóniope? ¿Mbaʼérepa repensa upéicha?
Heta paíspe pe léi heʼi umi omendáva ha ojedivorsiáva ojerrehistra vaʼerãha, ha peteĩ kristiáno odesidíramo ojapo upéva Jehová oipota okumpli umi léi heʼíva. Elee Tito 3:1, ha upéi erresponde ko porandu:
-
Oiméramo nde remendáma, ¿reimépa segúro ne matrimónio haʼeha legál umi autorida renondépe?
OĨRAMO OPORANDÚVA: “¿Mbaʼéretepa peteĩ persóna omendámante vaʼerã? ¿Ndaikatúi piko oikónte hikuái oñondive ha opáma?”.
-
¿Mbaʼépa errespondéne chupe?
RRESÚMEN
Jehová omeʼẽ ñandéve pe matrimónio ha pe soltería peteĩ rregáloicha. Umi omendáva ha umi oĩva soltéro ikatu ovyʼa ha oiko porã ojapóma guive umi mbaʼe omandáva Ñandejára chupekuéra.
Rrepáso
-
¿Mbaʼéichapa kristianokuéra ikatu oipuru porã isoltería?
-
¿Mbaʼérepa ñamenda vaʼerã peteĩ kristiáno ifiélvare añoite?
-
Según la Biblia, ¿mbaʼéicha javépa peteĩ kristiáno ikatu ojedivorsia?
EINVESTIGA HAG̃UA
¿Mbaʼépa heʼise ñamenda vaʼerãha “ñande Ruvicha disípulo” rehe añoite?
Ehecha koʼã mokõi vidéo nepytyvõtava redesidi porã hag̃ua oiméramo remendase hína.
Ehecha mbaʼérepa peteĩ ermáno oĩ segúro Jehová omeʼẽha chupe álgo iporãvéva upe oheja vaʼekuégui.
¿Mbaʼépa oreko vaʼerã enkuénta peteĩ kristiáno odesidi mboyve ojedivorsia térã ojeseparataha?
“Ñamombaʼékena ‘Ñandejára omoĩ vaʼekue oñondive’” (Ñemañaha diciembre de 2018)
a Ehecha nóta 4 reikuaa hag̃ua mbaʼéicha javépa peteĩ kristiáno ikatu odesidi ojeseparataha, noñemoakãratĩriramo jepe chupe.
b Oĩ país umi sy térã túa oiporavohápe mávarepa omendáta ifamília. Upéicha jave umi sy ha túa ohayhúva ifamíliape oelehíta peteĩ ohayhúva Jehovápe. Upéva la iñimportantevétava chupekuéra g̃uarã, ndahaʼéi katuete ipláta hetápa térãpa oiko porã.
c Oiméramo nde reiko peteĩ persónandi emendaʼỹre, ndémante redesidi vaʼerã remendátapa hese térãpa rejedeháta chugui.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
