KO RREVÍSTAPE OÑEANALISA | ¿MÁVAPA UMI TESTÍGO DE JEHOVÁ?
¿Mbaʼérepa ropredika?
Ore ningo rojekuaa ropredika meme rupi umi héntepe. Ropredika ogahárupi, kállere ha oĩháme guive hénte. ¿Mbaʼérepa rojapo upéva?
Ore testígo de Jehová ropredika romombaʼeguasu hag̃ua Ñandejárape ha roikuaauka hag̃ua héra (Hebreos 13:15). Avei rojapo upéva rokumpli hag̃ua Jesús omanda vaʼekue: “Tapeho pemboʼe umi hénte opa tetãyguápe oiko hag̃ua chuguikuéra che disípulo [...]. Ha pemboʼe chupekuéra ojapo hag̃ua opa mbaʼe amanda vaʼekue peẽme” (Mateo 28:19, 20).
Avei ropredika rohayhúgui umi héntepe (Mateo 22:39). Roikuaa la majoría orekomaha irrelihión ha naentéroi ohenduseha ore predikasión. Péro roikuaa porã avei umi enseñánsa oĩva la Bíbliape ikatuha osalva umi héntepe. Upévare rosegi ‘romboʼe ha roikuaauka meme pe marandu porã oñeʼẽva Cristo Jesús rehe’, ojapo haguéicha umi kristiáno yma guare (Hechos 5:41, 42).
Peteĩ sosiólogo hérava Antonio Cova Maduro heʼi: “Umi testígo de Jehová ojapo opa ikatúva Ñandejára Ñeʼẽ og̃uahẽ hag̃ua oparupiete ko yvy ape ári”. (Diário El Universal, Venezuela)
La majoría umi oleéva ore puvlikasionkuéra ndahaʼéi testígo de Jehová. Ha hetaiterei hénte orekóva ótra rrelihión ostudia orendive la Biblia ha ovyʼa rovisita haguére chupekuéra.
¿Oĩpa algúna kósa reikuaasevéva umi testígo de Jehovágui? Oiméramo upéicha ikatu rejapo koʼã mbaʼe:
-
Eporandu peteĩ testígo de Jehovápe voi.
-
Eike ore páhina ofisiál de Internétpe, www.dan124.com/gug.
-
Eho ore rreuniónpe. Upépe entéronte ikatu oho ha ndojekovrái entráda.
Koʼã téma ikatu ndegusta avei
OÑEPORANDU MEMÉVA
¿Heʼípa umi testígo de Jehová haʼekuérante ojesalvataha?
La Biblia ohechauka mávapa ikatu ojesalva.
OÑEPORANDU MEMÉVA
¿Umi testígo de Jehová apytépe piko oĩ avei kuña opredikáva?
¿Mbaʼéichapa umi kuña testígo de Jehová oipytyvõ ojepredika hag̃ua ko múndo tuichakuére?
OÑEPORANDU MEMÉVA
¿Mbaʼépa opensa umi testígo de Jehová ótra rrelihiónre?
Umi kristiáno teete orrespeta vaʼerã opavavépe.
