Nahániri. Ore roikuaa porã ndorojesalvamoʼãiha ropredika haguérente ogahárupi (Efesios 2:8). ¿Mbaʼérepa?

 Ñamoĩ chupe oĩha peteĩ karai imbaʼeporãva ha opromete omeʼẽtaha rregálo enterove ohóvape peteĩ lugár, fécha ha óra haʼe heʼihápe. Ko karai ohechaukáramo ikatuha jajerovia hese, katuete jaháta upépe, avei hiʼãta ñandéve jaavisa entéro ñane hénte ha ñane amigokuérape oaprovecha hag̃ua upéva. Péro ndahaʼéi jajapo haguérente haʼe heʼíva ñameresétava pe rregálo, umi rregálo ningo oñemeʼẽnte ñandéve.

 Ñandejára ningo opromete omeʼẽtaha jeikove opaveʼỹva umi iñeʼẽrendúvape, ha ore testígo de Jehová rojerovia haʼe okumplitaha upéva (Romanos 6:23). Ore roipota avei entéro ore rapichakuéra oaprovecha upe oportunida ha upévare rojapo ikatúva guive ropredika hag̃ua chupekuéra. Péro ore roikuaa porã ndahaʼéi upe haguére rojesalvátamava (Romanos 1:17; 3:28). Añetehápe ningo avave nañamereséi upe rregálo porãite Ñandejára oprometéva. La Biblia voi heʼi: “Haʼe ñandesalva ñandeporiahuvereko rupi, ndahaʼéi ñande jajapo haguére iporãva” (Tito 3:5).