“Oxwe 39 linlán wɛ nyɛ kpó Sophia a kpó ko nɔkpɔ́ ná ɖi asu kpó asi kpó hwɛkpó azɔ̀n jɛmagbɔ ɖé wá hù i. Maxokpɔ́nna ɖɔ xɔ́ntɔn lɛ gɔ́alɔna mi tawun bɔ alɔnu cie ka sɔ́ ján, n’ma mɔ ɖee mɛ ná oxwe ɖokpó blebu. Ninɔmɛ cie gǎn kpɔ́nte to egbé bo ɖyɔ́ to osɔ. É ko ɖibla yì oxwe atɔ̀n todin xe é kú, ganco n’gbɛ́ nɔ blawu tawun to ojlɛ̌ ɖélɛ mɛ, kpóɖɔ ajiji mɛ wɛ awubla lɔ nɔ wá.”—Kostas.

Be mɛvivɛ́ ɖé ko kú dó hyɛ lɔsu kpɔ́n ya? Enyí mɔ̌wɛ, a gǎn nyɔ́ nue ɖɔ Kostas te gǎnji. Onǔ cincinnya wɛ nɔ dánmɛ sɔ okú asu, asi, hɛnnumɛ kavǐ xɔ́ntɔn vivɛ́ ɖé tɔn. Wenywɛtɔ́ xe nɔ dindónanu gandó awubla xe okú nɔ hɛnwa go lɛ lɔsu ɖɔ nuɖokpólɔ. Xósɔ́ ɖé tɔ́n to linlinwe ɖé mɛ bo ɖɔ ɖɔ “é hɔnwun ɖɔ okú wɛ nɔ hɛn awubla kpó awufiɛsà xe dɛn-to-ayimɛ húgǎn kpó wá.” (The American Journal of Psychiatry) Mɛxe adán sínsínnyɛ mɔnkɔ gbò ɖé gǎn kanse ɖɔ: ‘Nawɛ awubla cie ná nɔ ayimɛ dɛnsɔ? Be n’ná gbɛ́ wá ɖó ayǎjɛ gbèɖokpó ya? Nawɛ n’gǎn ɖuto ninɔmɛ exe jí gbɔn?’

Linlinwe Fɔ́n! exe ná gblɔndó kanbyɔ́ enɛlɛ tɔn. Xósɔ́ xe bɔdego ɖɔ nuɖélɛ xe a gǎn ɖonukún enyí mɛvivɛ́ towe ɖé kú to agɔe. Kpóɖɔ xósɔ́ xe gbɔngodo lɛ dó onǔ voovo xe a gǎn wà nadó ɖe awufiɛsà towe kpò lɛ xya.

Mǐ ɖeji ɖɔ xósɔ́ lɔ lɛ ná miyɔnxomɛna mɛɖékpókpé xe cíɔ kú dó bo nasɔ́ gɔ́alɔna ɛn nadó ɖoakɔ́nna awufiɛsà etɔn.