To 27 janvier 2023, gbẹtọ susu lẹ lẹdo aihọn pé wẹ na kọnawudopọ nado flin azán de he gbè mẹsusu yin hùhù dopọ ji te. Nuyiwa kanlinjọmẹ tọn delẹ he wá aimẹ to owhe 75 linlán die sọgan hẹn mẹde nado kanse ede nuhewutu Jiwheyẹwhe dike bọ mẹsusu yin hùhù dopọ ji domọ.

•    Nado mọ nue Biblu dọ, hia hosọ lọ “Naegbọn Yè Do Hù Mẹsusu Dopọ Ji? Etẹwutu Jiwheyẹwhe Ma Do Doalọtena Aṣa Enẹ?”

 Juvi lẹ yin yasana taun to nujijọ mẹsusu hùhù dopọ ji tọn lọ whenu. Gbẹtọ livi susu to yé mẹ wẹ yè hù to aliho he yin tito-basina de mẹ. Yè sọ yangbé hagbẹ pipli devo lẹ tọn bo hù yé to ojlẹ he mẹ mẹsusu yin hùhù dopọ ji te lọ. Kunnudetọ Jehovah tọn lẹ he yin dopo to pipli ehelẹ mẹ, yin homẹkẹndo na nuyise yetọn he sinai do Biblu ji lẹ wutu.

•    Eyin a jlo na yọ́n nususu dogọ, hia hosọ lọ “Qu’est-​il arrivé aux Témoins de Jéhovah sous le régime nazi?”

 Gbẹtọ susu nọ dibu dọ nujijọ de he mẹ mẹsusu na yin hùhù dopọ ji te gán gbẹ́ wá jọ whladopo dogọ. Mí dopẹ́ dọ Biblu dopà dọ to sọgodo nujijọ ylankan mọnkọ depope ma na tin ba.

•    “‘Na yẹn yọ́n nuhe lẹn n’te gando mì go lẹ ganji,’ wẹ Jehovah dọ, ‘yèdọ linlẹn jijọho tọn lẹ bọ e ma yin nugbajẹmẹji tọn lẹ, na mìwlẹ nido tindo sọgodo dagbe de po todido de po.’”—Jelemia 29:11. a

 Todido enẹ na mọ hẹndi to whenue Jehovah Jiwheyẹwhe na doalọtena nuylankan wiwà mlẹnmlẹn bo vọ́ nuhe enẹ ko hẹngble lẹpo jlado. To madẹnmẹ ewọ na:

•    De mẹhe nọ wadanu do mẹdevo lẹ go lẹpo sẹ̀.—Howhinwhẹn lẹ 2:22.

•    De mẹhe to yaji lẹpo sọn awufiẹsa mẹ.—Osọhia 21:4.

•    Hẹn mẹhe ko kú lẹ gọwá ogbẹ̀ do aigba ji.—Johanu 5:28, 29.

 A gán deji dọ todido he to Biblu mẹ na miọnhomẹna we. Nado mọ nuhewutu enẹ yọnbayi, jaale bo tẹ́n tito Biblu pinplọn tọn vọnu mítọn pọ́n.