AIHỌN DE HE TO BẸWLU MẸ

2 | Dowéna Akuẹ bo Ylọ Azọ́n Dọ Nujọnu

MÌ HÒ (video kavi hoyidokanji lọ)

NUHEWUTU E YIN NUJỌNU

Mẹsusu wẹ e nọ vẹawuna egbesọegbesọ nado mọ dandannu gbẹ̀mẹ tọn lẹ. E blawu dọ nuhahun he to ogbẹ̀ lọ mẹ lẹ zọ́n bọ e fọ́n bo to awuvẹ dogọ. Etẹwutu?

Eyin nulẹ wlu to otò de mẹ, nususu nọ saba yí-kuẹ, kakajẹ núdùdù po ohọ̀ po ji.
Azọ́n gán gble do mẹsusu kavi dọ akuẹ he yé nọ dù ni depò eyin otò de mẹ wlu.
Nugbajẹmẹji lẹ gán hẹn ajọ́, owhé po nutindo mẹlẹ tọn po gble bọ mẹsusu na tlọ biọ ohẹ́n mẹ.

Nuhe A Dona Yọnẹn

Eyin a nọ pọ́n akuẹ do zan bọ nulẹ tlẹ wá diọ to otò lọ mẹ, e ma na dán we zẹjlẹgo.
Akuẹ ma nọ namẹ hihọ́ he nọ dẹn-to-aimẹ; akuẹ gán gble bọ nutindo lẹ na pọta.
Nudelẹ tin bọ akuẹ ma gán họ̀, taidi ayajẹ po gbenọpọ to whẹndo mẹ po.

Nuhe A Sọgan Wà Todin

Biblu dọmọ: “Eyin mí tindo núdùdù po avọ̀ po, onú ehelẹ ni pekọna mí.”—1 Timoti 6:8.

Mẹhe do pekọ ma nọ jlonu, kakatimọ e nọ vivi na ẹn eyin e ko gbẹ́ mọ dandannu azán dopodopo tọn lẹ. Ehe yin nujọnu taun eyin akuẹ masọ nọ biọ whégbè di dai ba.

Aliho de nado do pekọ wẹ nado de akuẹzinzan pò. Eyin a nọ zan akuẹ hú dehe a nọ mọ, ninọmẹ towe na fọ́n bo to vinvantan.

LEHE E GÁN PÀ WE DO—Ayinamẹ Delẹ

To adángbòmẹ whenu, a gán wà nuhe bọdego lẹ gando akuẹ po azọ́n towe po go

DE NUHIHỌ PÒ

De nuhihọ pò

Ma nọ zan akuẹ do nuhe ma yin dandan lẹ mẹ blo. Nọ kanse dewe dọ: ‘Be dandan wẹ dọ n’ma zan kẹkẹ kavi mọto ya? Be yẹnlọsu gán do jinukun kavi omá he n’na nọ zan lẹ ya?’
Whẹpo a nado họ̀ nude, nọ kanse dewe dọ: ‘Be n’do hudo etọn nugbonugbo ya? Be n’do nugopipe etọn ya?’
Eyin tito de tin bọ aṣẹpatọ lẹ kavi mẹdevo lẹ do nọ gọalọna tòvi lẹ, a gán ze yinkọ dai eyin a jẹna.

“Whẹndo lọ blebu sinai bo gbeje lehe mí nọ zan akuẹ do pọ́n. Mí zẹhudo ayidedai he nọ dù akuẹ susu na mí lẹpo ji bo de akuẹ he mí nọ zan do devo lẹ mẹ pò. Mí sọ jẹ núdùdù he ma nọ vẹakuẹ lẹ dà ji.”—Gift.

TITO NI NỌ AKUẸ TOWE GO

Tito ni nọ akuẹ towe go

Biblu dọmọ: “Tito mẹhe nọ dovivẹnu tọn lẹ nọ tindo kọdetọn dagbe dandan, ṣigba, mẹhe ma nọ whesọ lẹpo wẹ na biọ ohẹ́n mẹ dandan.” (Howhinwhẹn lẹ 21:5) Tito bibasi do akuẹ towe ji na gọalọna we ma nado zan akuẹ hú dehe nọ biọ whégbè.

Jẹnukọn whẹ́, kàn akuẹ he a lẹndọ emi na nọ mọ to osun dopodopo mẹ.
Awetọ, kàn nuhe mẹ whẹndo lọ nọ zan akuẹ do to osun dopodopo mẹ lẹ bo pọ́n fie akuẹ lọ nọ yì.
Enẹgodo, yí akuẹ he nọ biọ whégbè jlẹdo dehe mì nọ zan go. Eyin e biọ domọ, pọ́n nuhe mì gán depò kavi jodo ma nado zan akuẹ hú dehe mì nọ mọ.

“To osun dopodopo mẹ, mí nọ kàn akuẹ he mí nọ mọ po dehe mí nọ zan po. Mí nọ tẹnpọn nado sẹ̀ akuẹ do na nujijọ ajiji lẹ po nuhe mí to tito basi nado họ̀ lẹ po. Po ehe po, mí ma nọ hanú sọmọ ba, na mí ko yọ́n lehe mí na zan akuẹ mítọn do.”—Carlos.

DAPANA AHỌ́ / NỌ DÙ AKUẸ PÒ

Dapana ahọ́ / nọ dù akuẹ pò

Basi tito dagbe nado de ahọ́ he a dù lẹ pò. Eyin e yọnbasi, dapana ahọ́ dùdù mlẹnmlẹn, bo nọ to akuẹ sẹdo nado wá họ̀ nuhe sin hudo a do lẹ.
To osun dopodopo mẹ, nọ sẹ̀ akuẹ pẹẹde do. A gán wá yí sọn akuẹ ehe mẹ do họ̀ nuhe jlo we kavi zan na nujijọ madonukun lẹ.

NỌ WAZỌ́N GANJI / YIWANNA AZỌ́N TOWE

Biblu dọmọ: “Ale tin to azọ́n sinsinyẹn wunmẹ lẹpo mẹ.”—Howhinwhẹn lẹ 14:23.

Nọ wazọ́n ganji / yiwanna azọ́n towe

Nọ yí nukun dagbe do pọ́n azọ́n he wà a te. Eyin azọ́n lọ ma tlẹ yin dehe nọ jlo we, flindọ e to alọgọna we nado mọ akuẹ.
Nọ vánkan to azọ́n kọ̀n bo yin mẹhe go yè gán dejido. Enẹ gán zọ́n bọ azọ́n ma na gble do we, podọ eyin e wá jọ domọ janwẹ, e gán bọawuna we nado mọ devo.

“Azọ́n he n’mọ wẹ n’nọ wà, eyin e ma tlẹ yin dehe n’jlo kavi dọ e ma pekuẹ sọmọ. N’nọ wà azọ́n lọ po sọwhiwhe po bosọ nọ wazọ́n mimẹ́ taidi dọ yẹnlọsu tọn wẹ nkọ.”—Dmitriy.

Eyin a to azọ́n dín . . .

Nọ kàn ayiha. Nọ ylọ azọ́nwhé he gán mọ azọ́n he nkọ a gán wà lẹ, eyin yé ma tlẹ basi ajọjijla azọ́n tọn. Do asi na họntọn po hẹnnumẹ lẹ po.
Nọ diọalọ. E na vẹawu dọ a ni mọ azọ́n de bọ nulẹpo na yọ́n to e go dile a jlo do.

A Gán Sọ Pọ́n Hosọ Ehelẹ

FỌ́N!

E Nọ Hẹn Gbẹzan Pọnte—To Akuẹzinzan-Liho

Nawẹ Biblu gán gọalọna we nado de nuhahun akuẹzinzan tọn lẹ pò gbọn?

FỌ́N!

Aihọn de He to Bẹwlu Mẹ—Dowéna Akuẹ bo Ylọ Azọ́n Dọ Nujọnu

Gungbe

Aihọn de He to Bẹwlu Mẹ—Dowéna Akuẹ bo Ylọ Azọ́n Dọ Nujọnu

https://cms-imgp.jw-cdn.org/img/p/102022007/univ/art/102022007_univ_sqr_xl.jpg

g22 sọha 1 w. 7-9

Kunnudetọ Jehovah Tọn Lẹ

2 | Dowéna Akuẹ bo Ylọ Azọ́n Dọ Nujọnu

NUHEWUTU E YIN NUJỌNU

Nuhe A Dona Yọnẹn

Nuhe A Sọgan Wà Todin

A Gán Sọ Pọ́n Hosọ Ehelẹ

E Nọ Hẹn Gbẹzan Pọnte—To Akuẹzinzan-Liho

Aihọn de He to Bẹwlu Mẹ—Dowéna Akuẹ bo Ylọ Azọ́n Dọ Nujọnu

NUHE SỌGAN YIN MIMỌYI LẸ

Aihọn de He to Bẹwlu Mẹ—E Gán Pà We

Aihọn de He to Bẹwlu Mẹ—E Gán Pà We

NUHEWUTU E YIN NUJỌNU

Nuhe A Dona Yọnẹn

Nuhe A Sọgan Wà Todin

A Gán Sọ Pọ́n Hosọ Ehelẹ

NUHE SỌGAN YIN MIMỌYI LẸ

De Ogbè Towe

Dohlan