1. Jehovah, bẹtẹn mítọn,

He go mí dejido.

’Yẹ̀ etọn wẹ hihọ́tẹn,

He glọ mí dona nọ.

E ma na jo nugbonọ do,

Mí yọ́n ehe bosọ deji.

Jehovah wẹ figángán;

Nugbonọ wẹ Jẹwhe mítọn.

2. Fọtọ́n lẹ gán t’aijẹ

To adà mítọn mẹ,

Dodonọ, homẹmiọnnọ

Ma na duwinyan pọ́n.

Enẹwutu, ma dibu blo;

Nuylankan de ma na jọ nẹ.

Jehovah na nọ họ́ mí,

To awàfún etọn lẹ glọ.

3. E na họ́ mí sọn ’wù mẹ

Sọn omọ̀ lẹpo mẹ,

E na họ́ mí to zánmẹ,

Bo họ́ mí to okle.

Nude ma tin mí na họ̀nna,

Fide ma tin mí ma gán yì.

Jehovah, bẹtẹn mítọn

Na nọ họ́ mí whepoponu.