Tindo yanwle de. Lẹnnupọn nado yọnẹn eyin yanwle hodidọ towe tọn wẹ nado namẹ nudọnamẹ, diọlinlẹnnamẹ kavi whàn mẹplidopọ towe lẹ, enẹgodo ze hosọ towe donukọnnamẹ sọgbe hẹ yanwle lọ. Hẹn ẹn diun dọ nuagokun tangan he ji a na zinnudo lẹpo na gọalọna we nado jẹ yanwle towe kọ̀n.

Zinnudo hosọ hodidọ towe tọn ji. Nọ dlẹnalọdo hosọ lọ to hodidọ lọ blebu mẹ gbọn hogbe tangan hosọ lọ tọn lẹ vivọdọ kavi hogbe he jlo na di yé lẹ yiyizan dali.

Dike nuagokun tangan towe lẹ ni họnwun bo bọawu. De nuagokun tangan he gando hosọ towe go bọ a sọgan dọhodeji to gigọ́ mẹ to ojlẹ he yin didena we lọ gblamẹ lẹ kẹdẹ. De sọha nuagokun tangan lẹ tọn pò bo nọ zinnudo dopodopo yetọn ji ganji, nọ mitán sọn ode ji jẹ devo ji, bo nọ do kanṣiṣa he to ṣẹnṣẹn yetọn hia dile a to yìyì dẹẹdẹ sọn ode ji jẹ devo ji.