Sang Enero 2021, ginpahibalo sang Nagadumala nga Hubon ang pagpagua sang Magkabuhi sing Wala Katapusan! nga libro kag brosyur. Ini nga mga publikasyon kag ang interactive nga paagi sang pagtudlo sa sini nakabulig sa aton nga magdumala sang mga Bible study sa mas epektibo nga paagi.

May gindugang nga mga feature sa JW Library para mangin manami pa gid ang digital nga libro kag brosyur para sa mga nagatudlo kag sa mga gina-Bible study. Tun-i ini sing maayo para mangin pamilyar ka sa sining bag-o nga mga feature.

• Gusto mo bala nga ipakita sa imo Bible study ang isa ka punto sa inyo ginatun-an nga leksion? I-tap ang parapo para magbukas ang context menu. I-select ang Share nga opsyon para i-share ang link sina nga parapo.

• Gusto mo bala magpamati sang audio recording sang isa ka parapo upod sa imo estudyante? I-tap ang parapo para magbukas ang context menu. I-select ang Play nga opsyon halin sa sina nga parapo.

• Mahimo nga ang imo Bible study nagagamit sang printed nga edisyon pero ikaw sang digital nga edisyon. Gusto mo bala makita kon ano ang hitsura sang naimprinta nga pahina? Halin sa More menu (ang tatlo ka dot sa ibabaw sa tuo nayon sang gadyet), i-select ang Printed Edition nga opsyon. I-select ang Digital Edition sa sina man nga menu kon gusto mo magbalik sa digital nga publikasyon.

• Gusto mo bala buligan ang imo mga Bible study nga ma-rekord ang pag-uswag nila sa digital nga publikasyon? Palig-una sila nga gamiton ang mga kahon para butangan sang petsa kon san-o nila natapos ang isa ka leksion ukon sulatan sang puede nila himuon. Puede man nila gamiton ang mga kahon sa “Ang Nabasa Ko Na sa Biblia” nga tsart.