Malapit sa banwa sang Petrinja, 50 kilometros sa bagatnan sang Zagreb, Croatia

• Sang Disiembre 29, 2020, gintay-ug sang magnitude 6.4 nga linog ang Croatia. Amo ini ang pinakamabaskog nga linog nga nagtay-ug sa Croatia halin sang una

• Wala sing nasamaran sa 91 ka kauturan sa sini nga lugar

• 29 ka kauturan ang nagbakwit

• 9 ka balay ang nawasak

• 16 ka balay ang may gamay nga guba

• Ang Kingdom Hall sa Sisak may gamay nga guba

• Ang branch sa Croatia, nag-asayn na sang isa ka Disaster Relief Committee. Nagabuligay ang mga miembro sini nga committee upod sa duha ka manugtatap sang sirkito kag mga gulang sa sini nga lugar. Ginpalig-on nila ang mga kauturan nga naapektuhan kag ginhatagan sila sang ila kinahanglanon nga bulig. Ginpangitaan man nila sing dalayunan ang mga nagbakwit nga mga kauturan. Ginahimo nila ini samtang ginasunod nila ang mga safety protocol nga ginapatuman bangod sa COVID-19

Ginapangamuyo naton nga ang aton mga kauturan padayon nga hatagan ni Jehova sang kusog nga kinahanglan nila sa sining mabudlay nga tion.—1 Pedro 5:10.