Sang Mayo 24, 2023, ginwaswasan sang Bagyo Mawar ang mga isla sang Guam kag Rota. Amo ini ang pinakamabaskog nga bagyo nga nag-agi sa sini nga lugar sa sulod sang 20 ka tuig. Ang bagyo nagresulta sa sobra sa 70 ka sentimetro (28 ka pulgada) nga ulan kag hangin nga may kabaskugon nga sobra sa 160 ka kilometro kada oras sa sini nga mga isla. Ang pagwaswas sang hangin kag ulan nagresulta sa pagkadula sang tubig kag kuryente sa kalabanan nga lugar sa Guam kag Rota.

• Wala sang nasamaran ukon napatay sa aton mga kauturan

• 3 ka balay ang nawasak

• 12 ka balay ang may daku nga guba

• 8 ka balay ang may gamay nga guba

• Ang mga manugtatap sang sirkito kag ang mga elder sa sina nga lugar nagahatag sing pagpalig-on halin sa Biblia kag praktikal nga bulig sa mga naapektuhan sang bagyo

• 2 ka Disaster Relief Committee ang ginporma para mag-organisar sang pagbulig sa mga kauturan

Ginahandum naton ang tion nga wala na sing mahadlok sa mga kalamidad kag ang tanan ‘mangin malipayon gid sa bugana nga paghidait.’—Salmo 37:11.