AMBAHANON 4
“Si Jehova ang Akon Manugbantay”
(Salmo 23)
-
1. Si Jah akon Manugbantay;
Paggiya n’ya tumanon.
Akon handum kag kinahanglan
Iya nga nahibal-an.
Sa halalban nga madabong
Iya ’ko pakaunon.
Iya nga gugma mainunungon;
Nagahatag kalinong.
Iya gugma mainunungon;
Nagahatag kalinong.
-
2. Sa matarong n’ya nga dalan,
May yara kaumpawan.
Indi ’ko niya pagpabay-an
Tungod sa iya ngalan.
Kon madulom na ang dalan,
Iya sungkod yara lang.
Kag wala gid ’ko sing kahadlukan
Kay sia akon nga Abyan.
Wala gid ’ko sing kahadlukan
Kay sia akon nga Abyan.
-
3. Jehova, Manugbantay ko,
Sundon ko paggiya mo.
O Dios, pirme ka ’gapalig-on
Kag ’gaaman sa akon.
Wala ka sing katubtuban;
Ikaw lang ang lauman.
O kabay magpabilin sa akon
Gugma mo nga matutom.
Kabay magpabilin sa akon
Gugma mo nga matutom.
(Tan-awa man ang Sal. 28:9; 80:1.)