Sa Biernes, Pebrero 24, 2023, isa ka tuig na ang makakulugmat nga inaway sa Ukraine. Base sa pila ka report, mga 300,000 ka Ukrainian kag Russian nga mga soldado ang napatay ukon napilasan kag mga 30,000 ka sibilyan ang ginapatihan nga napatay sa sini nga inaway. Pero, posible nga mas madamo pa ang nagkalamatay.

 Makapasubo nga daw indi pa gid matapos ini nga inaway.

•   “Lapit na isa ka tuig halin sang una nga nag-atake ang mga soldado sang Russia sa Ukraine, pero daw wala sing sinyales nga mauntat ini nga inaway. Wala sing kasiguruhan kon sin-o gid ang madaug sa sini nga inaway, kag daw wala sing plano ang duha ka pungsod nga mangita sing solusyon nga kasugtan nila.”—NPR (National Public Radio), Pebrero 19, 2023.

 Madamo nga tawo ang nasubuan bangod sang kasakit kag pag-antos sang inosente nga mga tawo sa bilog nga kalibutan nga epekto sini nga inaway kag sang iban pa nga inaway. Ano nga paglaum ang ginasugid sang Biblia? Maabot pa bala ang tion nga wala na sang inaway?

 Ang Biblia nagasugid nga may isa ka inaway nga indi magpatay, kundi magaluwas sa mga tawo. Ina nga inaway amo ang Armageddon, kag ginatawag ini nga “inaway nga mahanabo sa daku nga adlaw sang Dios nga Labing Gamhanan.” (Bugna 16:14, 16) Paagi sini nga inaway, tapuson sang Dios ang tanan nga gobierno sang tawo, nga amo ang rason sang madamo nga inaway nga naghalit sa mga tawo. Para mahibaluan mo kon paano magaresulta sa wala katapusan nga paghidait ang Armageddon, basaha ang masunod nga mga artikulo:

•   “Ano ang Inaway sa Armageddon?”

•   “Ang Armageddon Isa ka Maayong Balita!”