Ai, Iehova ena Witnes taudia, be ai ura aiemai bona emai dekena taudia edia famili ai durua. Ai be Dirava ai matauraia, badina ia be famili Havaraia Tauna. (Genese 2:21-24; Efeso 3:14, 15) Baibel ena hakaua herevadia amo ia ese tanobada hegegemadai idia noho taudia ia durua, edia headava ia goada bona idia moale totona.

 Ai hekwarahi Baibel ena sisiba do ai badinaia, badina ai ia durua headava tau, hahine, bona tama sina namona ai ai lao totona. (Aonega Herevadia 31:10-31; Efeso 5:22–6:4; 1 Timoteo 5:8) Baibel ese tomadiho idauidau ruma besedia ia durua diba danu. (1 Petero 3:1, 2) Witnes lasi taudia haida edia adavadia be Iehova ena Witnes taudia ai idia lao neganai, inai idia hereva:

•   Ivete be Iehova ena Witnes hahinena ai ia lao murinai, lalokau ia hahedinaraia bona ia haheauka. Ena kara ia haidaua dainai, emai headava ia namo.”​—Clauir, Brazil amo.

•   To unai nega amo lau itaia Baibel ese emai headava ia durua.”​—Agness, Zambia amo.

 Emai haroro gaukara ai, taunimanima dekenai ai hahedinaraia Baibel ena hereva badinaia karana ese idia do ia durua

•   Idia ura adavaia tauna idia abia hidi totona

•   Headava lagani ginigunana ai idia vara hekwakwanai idia hanaia totona

•   Ravana kara henia dalana dekenai

•   Managing Money

•   How to Stop Arguing

•   How to Forgive

•   Disciplining Children

 Nega haida unai ia vara. Hegeregere, lagani 1998 ai, Sofres kampani ena ripoti ese ia hahedinaraia, headava 20 amo tamona sibona be hekwakwanai badadia idia davaria, badina idia ta be Witnes tauna ai ia lao.

 Iesu ia gwau ena hahediba herevadia idia badinaia taudia be edia famili ese do idia inai henia. (Mataio 10:32-36) Histori torea tauna Will Durant ia gwau Roma Basileiana henunai, “taunimanima ese Keristani tomadihona idia gwauraia ruma bese hapararaia oreana,” a bona hari Iehova ena Witnes taudia haida dekenai unai idia hereva. Anina be Witnes tauna ese hekwakwanai ia havaraia, a?

 Iehova ena Witnes taudia ese famili idia hapararaia herevana dainai, European Court of Human Rights ia gwau, nega momo Witnes lasi famili ese hekwakwanai idia havaraia, badina “edia famili ena maoro tomadiho karana dekenai idia abia dae bona matauraia” lasi. Court ma ia gwau: “Headava tau bona hahine edia dubu be idau neganai, vaia unai ia vara, Iehova ena Witnes taudia dekenai danu.” b To tomadiho dainai hekwakwanai ia vara neganai, Iehova ena Witnes taudia be inai Baibel sisiba idia badinaia: “Tau ta ena dika davana umui haloua lasi. . . . Bema mai dalana bona bema umui karaia diba, taunimanima ibounai ida maino ai do umui noho.”​—Roma 12:17, 18.

 Witnes taudia ese Baibel ena sisiba idia badinaia, unai be “Lohiabada lalonai sibona” do idia headava, anina be edia abidadama tamona tauna do idia adavana. (1 Korinto 7:39) Unai Baibel sisibana be mai ena namo. Hegeregere, lagani 2010 ena atikol ta Journal of Marriage and Family lalonai ia gwau, “bema headava tau bona hahine edia tomadiho, idia badinaia daladia, bona abia dae gaudia be hegeregere” edia hetura karana be ia goada. c

 To, Witnes taudia ese Witnes taudia ma haida idia hagoadaia lasi edia Witnes lasi adavana idia rakatania totona. Baibel ia gwau: “Bema tadikaka ta be mai ena abidadama lasi adavana, bona bema ia ura ia ida ia noho, namona be tadikaka ese do ia rakatania lasi. Bona bema hahine ta be mai ena abidadama lasi adavana, bona bema ia ura ia ida do ia noho, namona be unai hahine ese do ia rakatania lasi.” (1 Korinto 7:12, 13) Iehova ena Witnes taudia be unai hahegani idia badinaia.