Iehova ena Witnes taudia be tano 200 mai kahana ai mai anina bada gaukara idia karaia taunimanima idia durua totona. To unai tano 35 sibona be kontribiusen moni idia abia, unai amo idia gaukaralaia gaudia edia davana idia karaia diba. Edena dala ai ogogami tanodia ai idia gaukaralaia gaudia edia davana idia karaia?

 Hakaua Oreana be tanobada ibounai ai, Iehova ena Witnes taudia edia tomadiho daladia bona sivarai namona idia harorolaia taudia edia namo idia laloa bada. Moni idia bajet namonamo bona unai hegeregerena idia gaukaralaia. Bema brens ta be gaukara ma haida totona, kontribiusen moni badana ia abia neganai, moni orena ia rakatania idia dabu tanodia ese idia gaukaralaia totona. Keristani taudia ginigunadia be unai dala idia badinaia, idia “dekenai idia noho gau momo amo” ta ta idia durua. (2 Korinto 8:14) Idia dekenai ia noho gaudia idia gaukaralaia Keristani taudia ma haida idia durua totona.

 Brens ma haida amo ia mai moni orena idia abia neganai, tadikaka edia hemami be edena bamona? Hegeregere, Tanzania ai, popiuleisen kahana be K7 idia gaukaralaia dina ta ta ai sibodia idia naria totona. Iseda kontribiusen oredia idia gaukaralaia Mafinga ai ia noho Kingdom Hall idia hanamoa totona. Unai kongrigeisen ia gwau: “Hanamoa gaukarana murinai, hebou dekenai momo idia mai! Inai tomadiho gabuna namona dainai, Iehova ena orea bona tanobada ibounai tadikaka oreana edia hariharibada karana dekenai ai moale bada.”

 COVID-19 gorerena dainai, emai tadikaka taihu Sri Lanka dekenai be aniani dalanai idia dabu. Imara Fernando bona ena natuna mero, Enosh, be unusenai idia noho. To, tanobada haida amo kontribiusen idia abia dainai, edia dabu gaudia idia abia diba. Kadi ta amo idia gwau: “Inai nega aukadia ai, tadikaka bona taihu ese lalokau karana idia hahedinaraia dainai, idia ai tanikiu henia. Inai ruma bese badana lalonai ai noho dainai ai moale bada, bona ai guriguri noho Iehova ese inai nega dokona lalonai emai tadikaka bona taihu ibounai do ia durua.”

 Herevana iseda tadikaka bona taihu be edesenai idia noho, to idia ura bada idia dekenai ia noho gaudia amo haida idia durua. Hegeregere, Enosh danu be ena kontribiusen maua maragina ia karaia, unai amo idia dabu ruma bese ma haida ia durua diba. Guadalupe Álvarez danu be unai bamona hariharibada karana ia hahedinaraia. Ia be Mexico ena hanua ta ai ia noho, unuseniai haida be pay bada idia abia lasi. To, ia dekenai ia noho gauna hegeregerena kontribiusen ia henia. Ia gwau: “Iehova ena noho hanaihanai lalokauna bona ena kara namo dainai Ia lau tanikiu henia. Lau diba egu kontribiusen be ma haida edia ida do idia atoa bona heduru idia ura tadikaka bona taihu dekenai do idia siaia.”

 Brens ta ta be idia moale bada heduru idia ura gabudia ta ta ai, kontribiusen moni idia siaia totona. Brazil ena Brens Komiti ta ladana, Anthony Carvalho ia gwau: “Lagani momo lalonai gaukara ai karaia totona, tano ma haida ese ai idia durua. Unai heduru dainai namo bada ai abia. Hari, moni dalanai ai hegeregere bona haida ai durua be hehenamo badana. Iseda tadikaka be tanobada hegegemadai haroro gaukara idia itaia bona Iesu ena hahediba taudia bamona mai ura ida heduru idia henia.”

 Edena dala ai Iehova ena Witnes taudia ese edia tadikaka bona taihu dekenai heduru idia henia? Brens ta ta dekenai moni do idia siaia lasi, to tanobada ibounai gaukara durua totona, kontribiusen idia atoa diba. Unai idia karaia totona, kongrigeisen ai idia noho maua ladana “tanobada ibounai gaukara durua” eiava donate.dan124.com amo kontribiusen idia atoa diba. Unai bamona kontribiusen ai laloa bada.