Taunimanima momo idia laloa lagani 2024 ai hekwakwanai momo do idia vara, bona hanamoa dalana be lasi. To nega vaira totona helaro ita davaria diba. Edeseniai?

 Baibel ia gwauhamata iseda mauri idia hadikaia hekwakwanai be Dirava ese do ia haorea. Kahirakahira Dirava “ese mata ranu ibounai be edia matana amo do ia dahua ore, bona mase, lalohisihisi, taitai, bona hisihisi be do idia ore.”​—Apokalupo 21:4.

•   Baibel ena gwauhamata vaira nega dekenai diba ma haida abia totona, inai atikol “Helaro Korikorina Vaira Nega Totona” duahia.

 Baibel ese ita dekenai helaro namona ia henia, unai ese ita ia durua diba lalohadai kereredia ita hanaia bona lalohadai maorona ita abia totona. (Roma 15:13) Danu Baibel ena sisiba namodia ese oi ia durua diba hari oi davaria hekwakwanai, hegeregere ogogami, kara gageva, bona gorere oi haheaukalaia totona.

•   Ogogami maurina ai ia tubu daekau tauna ta be Baibel ena helaro ese ia durua, maino bona moale ia davaria dalana dibaia. Inai vidio Juan Pablo Zermeño: Iehova ese Mauri Namona Dekenai Lau Ia Hakaua itaia.

•   Emu kerere dainai emu hemami ia dika, oi lalohisihisi, lalohekwarahi, bona lalokau tauna ta ia mase neganai, Baibel ese oi ia durua dalana dibaia. Inai atikol “Can I Find Words of Comfort in the Bible?” itaia.

•   Ami lalonai ia noho hahine ta ia gwau, ia “moale lasi bona haida ia laloa lasi,” to Baibel ia stadilaia dainai helaro ia davaria dalana itaia. Inai vidio I Put Down My Rifle itaia.

 Lagani 2024 lalonai oi bona emu famili umui moale. Baibel ese umui ia durua daladia ma haida oi dibaia. Davana lasi Baibel stadi kosi oi tohoa. Dirava ese oi dekenai hari “maino” bona “vaira nega ai noho namo” do ia henia dalana dibaia.​—Ieremia 29:11.