“Dina haida lau mamia lau be anina lasi neganai, JW Broadcasting^® anedia amo Iehova ese lau ia hagoadaia.”—Lorraine, U.S.A.

Keristani taudia be Iehova hanamoa totona “tomadiho anedia” idia abia. (Kol. 3:16) Bema unai ane herevadia oi laloatao, unai ese oi do ia durua ena be ane buka eiava mobael fon be lasi, to ane do oi abia diba. Ane haida oi laloatao totona, mani inai dala oi tohoa:

• Ane edia hereva oi duahia namonamo edia anina oi lalopararalaia totona. Bema gau ta ena anina oi lalopararalaia, do ia auka lasi oi laloatao totona. Iseda ane herevadia ibounai, orijinol anedia bona natudia edia ane danu be jw.org ai idia noho. Laibri ena kahana henunai, Musiki oi klik.

• Ane edia hereva oi torea. Unai bamona oi karaia neganai ane edia hereva do oi laloatao.—Deu. 17:18.

• Mai gado bada ida ane oi praktis. Oi duahia eiava ane oi abia loulou.

• Emu laloatao karana oi tohoa. Buka oi itaia lasi bona ane oi abia toho, bena oi sekea bema ane herevadia oi gwauraia maoro.