Ove u rora okuripurira koruveze oruwa ndu wa rora okukara na rwo pu novakarere vaJehova? Poo u rora okuripurira kombongarero yombongo ndje ku yanḓiparisa, omaworonganeno wotukondwa nge ku pa ondjoroka, oruveze oruwa ndu wa ri na rwo motjiungura tjokuzuvarisa poo ehungi ewa ndi wa ri na ro ku nomukambure omukweṋu? Ove koya zemba Jehova neye wina ke yekuzemba. Eye u zemburuka ouṱakame woye nomasa. Nu u nonḓero yokukuvatera kutja u kotoke ku ye.

“Ami omuini me paha ozonḓu zandje nu me rikendere zo, otja omurise tjinga e rikendera ozonḓu ze nḓa rimbara, nu nambano nḓa wongerwa pamwe rukwao, Ami otjinga ame ze kotora okuza koṋa akuhe ku za rimbara.”—Esekiel 34:11, 12.