Haribulan: 2-4 Ogos 2019

Endur: Jaarbeurs Hallencomplex, Utrecht, Belanda

Bansa Jaku ke Disediaka: Arab, Dutch, Bansa Jaku Bengal Bisu Dutch, English, Papiamento, Polish, Portugis, Sepanyol, Twi

Penyampau Orang ke Datai: 42,335

Penyampau Orang ke Dibaptisa: 212

Penyampau Bala Menyadi ari Menua Bukai: 6,000

Menua ke Dikelaluka Datai: Australasia, Belgium, Brazil, Kanada, Kolombia, Indonesia, Korea, Portugal, Romania, Afrika Selatan, Suriname, Amerika Serikat

Peneleba ti Manah: Seiku menyadi lelaki kitai ke kereja ba kompeni Jaarbeurs Hallencomplex, nerima talipun ari tuke iya ti madahka, “Semua utai ke disebut kami dalam aum dikereja sida magang. Sida enda bulaka semaya! Sida meresi kediri empu bengunan tu sereta ngatur semua utai enggau manah. Sida udah nyediaka bengunan tu manah agi ari maya kami nyediaka bengunan tu ngagai sida. Amat manah. Aku enda kala meda utai baka tu. Indah sida meresi begian restaurant ke udah enda dikena agi diatu! Bilik endur belelak mega seruran bisi dua iku orang nyaga. Enti bisi nama-nama nyadi, amat jampat udah bisi orang nulung! Nadai kala aku meda atur semanah tu.”