Kena musin angat taun 1946, bala Saksi-Saksi Jehovah ke agi biak ke udah ditan ba kem pengawa berat ba menua puang Kanada dibibaska. Nyau ka 300 iku menyadi lelaki ke biak dipejal ngereja pengawa ti berat ba dalam beberapa iti kem ketegal sida enggai nyadi soldadu. Bala menyadi kitai napi penguji tu enggau berani, lalu ke pengujung iya, kaul sida enggau Jehovah dikeringka. Taun tu nyadika ulang taun ke-75 sida dibibaska ari kem pengawa berat. Don MacLean nya seiku entara sida ke kala ditan lalu agi idup. Iya ngenang: “Mayuh ari utai ke ditapi aku maya jeman perang nya amat ngeringka aku. Aku semampai beterima kasih ngagai Jehovah ke pengalaman nya.”