Ketegal Sitan nya roh, iya diau ba endur ke enda ulih dipeda. Taja pia, tu ukai reti iya Sitan diau ba api neraka, alai orang jai diperinsa baka ke suah disebut orang.

‘Perang di serega’

 Suba, Sitan bibas deka kini-kini di serega, nyengkaum maya iya ngadap Petara begulai enggau bala melikat ke tetap ati ti bukai. (Jop 1:6) Tang Bup Kudus madah, deka bisi ‘perang di serega,’ lalu Sitan deka ‘dibuai ari serega . . . ngagai dunya.’ (Pemandang 12:7-9) Ajar Bup Kudus sereta utai ke nyadi ba dunya nunjukka, perang tu udah nyadi. Diatu, Sitan diau ba dunya aja, iya nadai ulih niki ke serega agi.

 Kati tu reti iya Sitan diau ba siti endur di dunya? Ngambika chunto, menua Pergamum kelia dikumbai “alai kerusi diraja Sitan” sereta “alai Sitan diau.” (Pemandang 2:13) Ke bendar iya, rambai jaku tu nunjukka endur orang nyembah Sitan. Bup Kudus nerangka, Sitan bekuasa ba “semua menua di dunya.” Nyadi reti nya, Sitan enda diau ba siti endur aja, tang iya ba dini-dini di dunya.—Luke 4:5, 6.