Lebuh dunya tu penuh enggau penanggul, mayuh orang charut runding. Sida engka enda sedarka diri, udah ngenyauhka diri ari orang ke dikesayau.

• Sida ngenyauhka diri ari bala kaban.

• Laki bini enda ngelayan pangan diri enggau manah.

• Apai indai jarang tauka langsung enda pedulika penanggul anak sida.

• Bala kaban amat beguna, laban sida ulih nulung kitai nyaga pengerai ba fisikal enggau emosi, kelebih agi ba maya ti tusah.

• Penanggul ba dunya ulih ngenataika penguji ti enda dijangka dalam ruang bilik nuan.

• Riput berita ti enda manah ulih ngasuh anak nuan berasai takut.

Ajar Bup Kudus: “Pangan endang seruran ngayanka pengerindu sida. Nama guna bisi kaban belayan enti sida enda enggau natka penusah?”—Jaku-Dalam 17:17.

Bala kaban ulih meri sukung sereta madahka kitai lalau ti manah. Enti nuan nemu diri dikeibuhka, nuan deka berasai teperansang ngereja pengawa nuan ninting hari.