Nadalus a Panagdaydayaw ken Jehova—Naisubli Met Laengen!
Iti libro nga Ezekiel, adu ti padto maipapan iti pannakaisubli ti nadalus a panagdaydayaw. Kasano a karamantayo kadagita a padto?
Surat ti Bagi a Manarawidwid
Naimpusuan tarigagayanmi a matulongannakayo daytoy a libro a mangipaay ken Jehova iti nadalus a panagdaydayaw a maikari unay kenkuana.
Pannakailawlawag Dagiti Napateg a Paset Daytoy a Libro
Dagiti kahon ken time line ket mangted iti kanayonan nga impormasion a makatulong a mangpauneg iti pannakaawatyo.
KAPITULO 1
“Ni Laeng Jehova a Diosmo ti Masapul a Pagdayawam”
Idi inrugi ni Satanas ti panagrebelde idiay Eden, kinuestionna ti kalintegan ni Jehova a mangituray ken rinugianna a busoren ti nadalus a panagdaydayaw.
KAPITULO 2
“Inawat ti Dios” Dagiti Sagutda
Ti inyulidan dagiti tattao nga addaan pammati ipakitana nga adda uppat a kangrunaan a banag a napateg tapno awaten ti Dios ti panagdaydayaw.
UMUNA A SEKSION
“Naluktan ti Langit”
KAPITULO 3
“Nakakitaak Kadagiti Sirmata Manipud iti Dios”
Nasdaaw unay ni Ezekiel idi nakitana ti umuna a sirmata. Ti nakitana ket adu ti kaipapananna para kadagiti matalek nga adipen ti Dios ita.
KAPITULO 4
Siasino Dagiti “Sibibiag a Parsua nga Uppat ti Rupada”?
Nangipakita ni Jehova ken Ezekiel kadagiti ladawan a makatulong kadatayo a mangtarus kadagiti kinapudno a saantayo a maawatan no bukbukodtayo.
MAIKADUA A SEKSION
“Rinugitanyo ti Santuariok”—Narugitan ti Nadalus a Panagdaydayaw
KAPITULO 5
“Kitaem ti Dakes ken Makarimon nga Ar-aramidenda”
Makita ni Ezekiel ti 4 a makapakigtot nga eksena a mangipakita a nadadaelen ti espiritualidad ti intero a nasion.
KAPITULO 6
“Itan ti Panungpalam”
Dagiti padto nga inyakto ni Ezekiel ipakpakaunada ti panangipakita ni Jehova iti pungtotna iti Jerusalem.
KAPITULO 7
Dagiti Nasion “Maammuandanto a Siak ni Jehova”
Dagiti nasion a nangpadakes iti nagan ni Jehova ken nangidadanes wenno nagbalin a dakes nga impluensia iti ilina apitendanto ti bunga dagiti aramidda. Ania dagiti masursurotayo iti pannakilangen ti Israel kadagita a nasion?
MAIKATLO A SEKSION
“Ummongenkayo”—Naikari a Maisubli ti Nadalus a Panagdaydayaw
KAPITULO 8
“Mangdutokakto iti Pastorda”
Impaisurat ti Dios ken Ezekiel ti padto maipapan iti Mesias, ti Agturay ken Pastor ti ili ni Jehova, a permanente a mangisubli iti nadalus a panagdaydayaw.
KAPITULO 9
“Ikkakto Ida iti Nagkaykaysa a Puso”
Adda kadi kaipapanan ita dagiti padto a naited kadagiti Judio a naipan idiay Babilonia?
KAPITULO 10
“Agbiagkayto”
Nakita ni Ezekiel ti sirmata ti tanap a napno iti namaga a tulang a napagbiag manen. Ania ti kaipapanan dayta?
KAPITULO 11
“Pinagbalinka a Parabantay”
Ania dagiti akem ken responsabilidad daytoy a parabantay? Ania a pakdaar ti ipakaammona?
KAPITULO 14
“Daytoy ti Linteg Maipapan iti Templo”
Ania dagiti nasursuro dagiti Judio idi tiempo ni Ezekiel manipud iti nasirmata a templo? Ken ania ti kaipapanan daytoy a sirmata kadatayo ita?
KAPITULO 15
“Pagpatinggaekto ti Panagbalangkantismo”
Ania ti masursurotayo kadagiti pannakailadawan dagiti balangkantis iti Ezekiel ken Apocalipsis?
KAPITULO 16
“Markaam ti Muging”
Napateg kadatayo ti pannakamarka iti pannakaisalakan dagiti matalek a tattao idi tiempo ni Ezekiel.
KAPITULO 18
“Sumgedto ti Nakaro a Pungtotko”
Ti iraraut ni Gog ti makagapu nga agpungtot ni Jehova, isu a salaknibanto ti Dios ti ilina.
KAPITULO 19
Agbiagto ti “Amin nga Agnanaed iti Pagayusan ti Danum”
Apay a maibagatayo a natungpal idi, matungtungpal ita, ken matungpalto iti masanguanan ti sirmata ni Ezekiel maipapan iti agay-ayus a karayan manipud iti templo?
KAPITULO 20
“Bingaybingayenyo ti Daga kas Tawid”
Iti sirmata, imbilin ti Dios ken Ezekiel a bingayenna ti Naikari a Daga para kadagiti tribu ti Israel.
KAPITULO 21
“Ti Nagan ti Siudad . . . ket Adda Dita ni Jehova”
Ania dagiti masursurotayo maipapan iti siudad ken iti naisangsangayan a naganna?
KAPITULO 22
“Agdaydayawka iti Dios”
Panggep daytoy a libro a pabilgen ti determinasiontayo a mangipaay iti naipamaysa a panagdaydayaw ken Jehova a Dios.
Sumario Dagiti Pannakalawlawag
Apay a nabalbaliwan ti pannakaawattayo iti dadduma a padto iti libro nga Ezekiel?
KAHON 1A
Ania ti Panagdaydayaw?
Ania a talaga ti kaipapanan ti panagdaydayaw? Kasano a naitampok dayta iti libro nga Ezekiel? Ania ti karaman iti nadalus a panagdaydayaw?
KAHON 1B
Pakabuklan ti Ezekiel
Nabingaybingay ti libro sigun iti panagsasaruno dagiti pasamak ken sigun kadagiti topiko.
KAHON 2A
Panangtarus Kadagiti Padto ni Ezekiel
Naglaon ti libro kadagiti sirmata, ilustrasion, pangngarig, ken pannakayakto. Adu kadagitoy ket naggapu iti Dios a mensahe maipapan kadagiti mapasamak iti masanguanan.
KAHON 2B
Ni Ezekiel—Ti Biagna ken Panawenna
Dadduma a propeta ti nagipadto met idi panawen ni Ezekiel. Bayat ti panagbiagna, adu a napateg a banag ti napasamak iti pakasaritaan ti ilina.
KAHON 3A
Ti Adayo a Pinagnada nga Agpa-Babilonia
Sadino ti posible a nagnaan dagiti naipanaw manipud Juda nga agpa-Babilonia?
KAHON 4A
“Kitkitaek Dagiti Sibibiag a Parsua”
Ania ti nakaidumaan ti uppat a parsua a nakita ni Ezekiel iti sirmata kadagiti nagdadakkel nga estatua iti nagkauna nga Asiria ken Babilonia?
KAHON 5A
“Anak ti Tao, Makitkitam Kadi Daytoy?”
Makitkita ni Ezekiel ti 4 a makarimon a banag iti templo ken iti paraanganna.
KAHON 6A
“Kiskisam ti Ulo ken Barbasmo”
Inwanwan ti Dios ni Ezekiel a mangyakto kadagiti padto nga asidegen a mapasamak iti Jerusalem.
KAHON 7A
Dagiti Nasion iti Aglawlaw ti Jerusalem
Ti Juda ken dagiti aglawlawna a pagilian ti sentro ti adu a panagiinnagaw iti turay.
KAHON 7B
Kangrunaan a Sasao iti Libro nga Ezekiel
Adda dagiti kangrunaan a sasao a naulit-ulit a nausar iti daytoy a libro a naglaon kadagiti padto.
KAHON 8A
Padto Maipapan iti Mesias—Ti Narukbos a Sedro
Ania ti kaipapanan ti burburtia a nairekord iti Ezekiel kapitulo 17?
KAHON 8B
Tallo a Padto Maipapan iti Mesias
Impadto ni Ezekiel a ti agbalin a lider ti ili ti Dios ket maikari iti panagtalektayo.
KAHON 9A
Tungpalen ni Jehova Dagiti Karina—Idi Un-unana
Imbaga ti Dios nga ipakaammo ni Ezekiel ti lima a kari ti pannakawayawaya ken pannakaisubli.
KAHON 9B
Apay a 1919?
Apay a makunatayo a ti ili ti Dios ket nawayawayaan iti panangadipen ti Babilonia a Dakkel idi 1919?
KAHON 9C
Tungpalen ni Jehova Dagiti Karina—Agdama a Tiempo
Apay a dua ti kaitungpalan ti dadduma a kari ti Dios?
KAHON 9D
Dagiti Padto Maipapan iti Pannakaadipen ken Pannakaisubli
Dagiti padto ti pannakaadipen dagiti Judio iti nagkauna a Babilonia ken ti pannakaisublida ket adda dakdakkel a kaitungpalanna idi naadipen ti kongregasion Kristiano iti Babilonia a Dakkel ken naisubli met laeng.
KAHON 9E
“Ti Tiempo a Pannakaisubli ti Amin a Banag”
Impaisurat ti Dios ken apostol Pedro ti tiempo a mangrugi iti pannakaitrono ni Kristo kas Ari ken agtultuloy agingga iti ngudo ti 1,000 a tawen.
KAHON 10A
Nadalus a Panagdaydayaw In-inut a Naisubli
Ania dagiti panagbalbaliw a nangpapardas iti panangasaba iti agdama a tiempo?
KAHON 10B
“Namagaan a Tulang” ken ‘Dua a Saksi’—Ania ti Koneksionda?
Kasano a natungpal dagitoy a padto iti agdama a tiempo?
KAHON 10C
Tulong Tapno Makatakdertayo Manen
Mariribukan ken kumapuytayo no dadduma, ngem mapabilegnatayo ti sirmata maipapan iti namaga a tulang a napagbiag manen.
KAHON 11A
Dadduma a Mapagwadan a Parabantay
Naipasangoda iti ibubusor, nagtalinaedda a matalek ken Jehova, ken impakaammoda dagiti pakdaar ken naimbag a damag.
KAHON 12A
Ti Panagtipon ti Dua a Baston
Asino ti iladawan ti dua a baston idi un-unana ken iti agdama a tiempo?
KAHON 13A
Nagduma a Templo, Nagduma a Masursuro
Ania ti nagdumaan ti templo a nakita ni Ezekiel ken ti templo nga inlawlawag ni Pablo?
KAHON 14A
Dagiti Masursuro iti Templo a Nasirmata ni Ezekiel
Ania a leksion ti kayatmo nga iyaplikar iti panagdaydayawmo manipud iti templo a nasirmata ni Ezekiel?
KAHON 15A
Ti Agkabsat a Balangkantis
Ti panangiladawan ni Jehova kada Ohola ken Oholiba ipakitana no kasano ti mariknana kadagiti mangpadpadakes iti nasantuan a naganna ken kadagiti pagalagadanna iti nadalus a panagdaydayaw.
KAHON 16A
Ti Kadi Kakristianuan ti Antitipiko a Jerusalem?
Apay a binalbaliwantayo ti pannakaawattayo?
KAHON 16B
Panagsennaay ken Panagasug, Panangmarka, Panangburak—Kaano ken Kasano?
Ti sirmata iti Ezekiel kapitulo 9 matulongannatayo a mangsango a sikokompiansa iti panagpatingga ti sistema ti bambanag.
KAHON 18A
Ipakdaar ni Jehova ti Um-umay a Dakkel a Gubat
Ipadto ti Biblia ti dakkel a gubat a pangdadael ti Dios iti amin a bumusbusor kenkuana.
KAHON 19A
Dagiti Karayan ti Bendision Manipud ken Jehova
Nagusar dagiti mannurat ti Biblia iti agpapada nga ilustrasion a mangiladawan kadagiti bendision ni Jehova.
KAHON 19B
Agbalin a Karayan ti Agtedtedted a Danum!
Ania ti irepresentar ti agay-ayus a karayan manipud iti santuario ti Dios?
KAHON 20A
Ti Pannakabingaybingay ti Daga
Ti sirmata ni Ezekiel maipapan iti pannakabingaybingay ti daga ket saan laeng a dagiti Judio a naipan idiay Babilonia ti naparegta, uray pay ti ili ti Dios ita.
KAHON 21A
“Ti Kontribusion nga Ilasinyo”
Ania ti 5 a paset a mangbukel iti daga nga inlasin ti Dios? Ania ti panggep dagita?
