Insuro ni Jesus a ti Pagarian ti Dios ti mangsolbar iti amin a problema ti tao. (Mateo 6:10) Iti Mateo 13:44-46, nangted iti dua nga ilustrasion a mangipakita iti kinapateg ti kinapudno maipapan iti Pagarian ti Dios:

•   Maysa a lalaki nga agtrabtrabaho iti talon a di ninamnama a nakabirok iti nailemmeng a gameng.

•   Maysa a komersiante nga agbirbirok kadagiti perlas a nakasarak iti maysa a perlas a nangato ti kalidadna.

 Agpadada a naragsakan a nangilako iti amin nga adda kadakuada tapno magatangda ti gameng a nabirokanda. Irepresentar dagitoy a lallaki dagiti tattao a mangipatpateg unay iti Pagarian isu nga isakripisioda ti aniaman tapno magun-odda ti bendision nga ipaay dayta. (Lucas 18:29, 30) Iti daytoy a video, buyaem ti estoria ti dua nga indibidual a kasla iti dua a lallaki iti ilustrasion ni Jesus.