JW LIBRARY
I-set ken Urnosen Dagiti Bookmark—iOS
Iti JW Library, mabalinmo ti mangi-set iti bookmark tapno mamarkaam ti paset ti publikasion a kayatmo a sublian, kas iti panangikabil iti ribbon iti libro. Adda 10 a bookmark para iti tunggal publikasion.
Surotem dagitoy nga instruksion iti panangusar kadagiti bookmark:
Agi-set iti Bookmark
Mabalinmo nga ikkan iti bookmark ti maysa nga artikulo, kapitulo, parapo, wenno teksto.
Tapno maikkam iti bookmark ti artikulo wenno kapitulo, i-tap-mo ti Bookmark button. Agparang ti listaan dagiti bookmark ti basbasaem a publikasion. I-tap-mo ti awan kargana a bookmark tapno mamarkaam ti basbasaem.
Tapno maikkam iti bookmark ti maysa a parapo wenno teksto, i-tap-mo dayta, sa i-tap-mo ti Bookmark button iti context menu.
Aglukat iti Bookmark
Tapno maluktam ti maysa a bookmark, luktam ti publikasion sa i-tap-mo ti Bookmark button. I-tap-mo ti bookmark a kayatmo a luktan.
Agurnos iti Bookmark
No nakaikabilkan iti bookmark, mabalinmo nga i-delete wenno suktan.
Tapno ma-delete ti bookmark, i-tap-mo ti Bookmark button sa i-swipe-mo ti kayatmo nga i-delete. I-tap-mo ti Delete button.
Tapno masuktam ti bookmark, i-tap-mo ti Bookmark button, sa i-swipe-mo ti bookmark a kayatmo a suktan. I-tap-mo ti Replace. Ma-update ti bookmark iti paset a basbasaem. Makatulong daytoy tapno mamarkaam ti paset ti publikasion a basbasaem. Mausarmo daytoy iti inaldaw a panagbasam iti Biblia.
Nairuar dagitoy a feature idi Mayo 2014 iti JW Library 1.2, a compatible iti iOS 6.0 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—iOS,” iti paset a Kanayon nga Ag-update.
