ნიუ-იორკი — კარიბის ზღვის აუზში მოქცეულ კუნძულებსა და ახლომდებარე ტერიტორიებზე, რომლებსაც 2017 წლის სექტემბერში დამანგრეველი ქარიშხალი „ირმა“ და „მარია“ დაატყდა თავს, აღდგენითი სამუშაოები წარმატებით მიმდინარეობს. ბარბადოსში, კუბაში, დომინიკელთა რესპუბლიკაში, საფრანგეთსა და შეერთებულ შტატებში მდებარე იეჰოვას მოწმეების ფილიალებმა მოგვაწოდეს ინფორმაცია იმის შესახებ, თუ რა დახმარებას უწევენ და-ძმები დაზარალებულ თანამორწმუნეებს.

დაზარალებულთა დახმარების სამმა კომიტეტმა, რომელთაგან ერთ-ერთის ჩამოყალიბებაში უშუალოდ საფრანგეთის ფილიალი იყო ჩართული, ადგილობრივი და-ძმებისგან ჩამოაყალიბა ჯგუფები, რომლებმაც დაუყოვნებლივ აღმოუჩინეს დახმარება სტიქიის ზონაში მცხოვრებ მოწმეებს. ბარბადოსის ფილიალის ტერიტორიაზე დაგეგმილი აღდგენითი სამუშაოების ღირებულება დაახლოებით 2.4 მილიონ დოლარს შეადგენს. აღდგენითი სამუშაოები ჩაუტარდება 8 სამეფო დარბაზსა და 122 სახლს, ხოლო 19 სახლი თავიდან აშენდება.

როგორც კუბის ფილიალი იტყობინება, ქარიშხალ „ირმას“ შედეგად დაზარალებულ და-ძმებს მოწმეები საჭირო დახმარებას უწევენ. გარდა ამისა, ფილიალის წარმომადგენლები ინახულებენ დაზარალებულ თანამორწმუნეებს და ამხნევებენ მათ.

დაზარალებულთა დახმარების სამი კომიტეტი ორგანიზებას უწევს 57 დაზარალებული იეჰოვას მოწმის დახმარებას. ადგილობრივმა და-ძმებმა დაზარალებულები საკვებით, წყლით, ტანსაცმლითა და სხვა აუცილებელი ნივთებით მოამარაგეს. გარდა ამისა, ოქტომბრის ბოლოსთვის დასრულდა დაზიანებული სახლების გაწმენდა და შეკეთება.

საფრანგეთის ფილიალმა კუნძულ სენ-მარტენზე ჩამოაყალიბა დაზარალებულთა დახმარების კომიტეტი, ხოლო კუნძულ გვადელუპაზე გახსნა დახმარების ცენტრი. მათი მეშვეობით ფილიალმა ორგანიზება გაუწია სამშენებლო სამუშაოებს, რომელთა ღირებულებაც დაახლოებით 1.4 მილიონ დოლარს შეადგენს. სამუშაოები მოიცავს 12 სამეფო დარბაზის შეკეთებას კუნძულ გვადელუპაზე და 2 სამეფო დარბაზისა და 24 სახლის შერემონტებას კუნძულ სენ-მარტენზე. აღდგენით სამუშაოებში ჩაერთვება საფრანგეთიდან, გვადელუპადან და მარტინიკადან ჩამოსული 22 მოხალისე.

შეერთებული შტატების ფილიალის ტერიტორიაზე 13 000-ზე მეტი მაუწყებელი დაზარალდა. ამჟამად მათ დახმარებას ორგანიზებას უწევს დაზარალებულთა დახმარების ოთხი კომიტეტი. აღდგენითი სამუშაოების პირველი ეტაპი უკვე დასრულებულია, რაც იმას ნიშნავს, რომ და-ძმებმა დაზიანებული სახლების 95 პროცენტი უკვე შეაკეთეს და დაზარალებულები საკვებით, წყლით და საჭირო ნივთებით მოამარაგეს. აღდგენითი სამუშაოები დღემდე მიმდინარეობს პუერტო-რიკოში და ბრიტანეთისა და აშშ-ის ვირჯინის კუნძულებზე.

სამეფო დარბაზებისა და ჩვენი და-ძმების სახლების აღდგენით სამუშაოებში სულ 690 მოხალისეა ჩართული. აქედან 450 მოხალისე კუნძულებზე მუშაობს, ხოლო 240 — ფლორიდისა და ჯორჯიის შტატებში. აღდგენითი სამუშაოების ღირებულება 30 მილიონ დოლარზე მეტს შეადგენს. იეჰოვას მოწმეები გეგმავენ, შეაკეთონ:

• ბრიტანეთისა და აშშ-ის ვირჯინის კუნძულებზე 5 სამეფო დარბაზი და 190 სახლი

• ფლორიდაში 40 სამეფო დარბაზი და 1 174 სახლი

• პუერტო-რიკოში 106 სამეფო დარბაზი, 2 საკონგრესო დარბაზი და 1 216 სახლი

• ტერქსისა და კაიკოსის კუნძულებზე 2 სამეფო დარბაზი და 56 სახლი

ვლოცულობთ, რომ იეჰოვამ გააძლიეროს ის და-ძმები, რომლებიც სტიქიით დაზარალებულებს დახმარების ხელს უწვდიან. გვჯერა, რომ გაწეული დახმარების წყალობით და-ძმები გაუმკლავდებიან არსებულ მდგომარეობას და განაგრძობენ ჩვენი დიდებული ღვთის, იეჰოვას მსახურებას.

საკონტაქტო პირები:

საერთაშორისო: დეივიდ სიმონიანი, საინფორმაციო სამსახური, ტელ. +1-845-524-3000

ბარბადოსი: ჯონ მედფორდი, ტელ. +1-246-438-0655

დომინიკელთა რესპუბლიკა: ხოსე ფელისი, ტელ. +1-809-595-4007

საფრანგეთი: გაი კანონისი, ტელ. +33-2-32-25-55-55