იობი 38:1—41
38 იეჰოვამ იობს ქარიშხლიდან მიუგო:+
2 „ვინ არის ეს, ჩემს რჩევას რომ არად აგდებსდა უცოდინარობით ლაპარაკობს?!+
3 წელზე სარტყელი შემოირტყი, როგორც ვაჟკაცს შეჰფერის;შეგეკითხები და მიპასუხე.
4 სად იყავი, დედამიწას რომ ვაფუძნებდი?!+
მითხარი, თუ იცი!
5 იცი, ვინ დაუწესა მას საზღვრები,და ვინ გაზომა ლარით?!
6 სად ჩაეყარა საძირკველიდა ვინ დაუდო ქვაკუთხედი,+
7 რის გამოც ჟრიამულობდნენ დილის ვარსკვლავები+და ყიჟინებდნენ ღვთის ძეები?!+
8 ვინ აღუმართა ზღვას კარიბჭე,+თითქოსდა საშვილოსნოდან ამოხეთქილს,
9 როცა ღრუბლებით შევმოსედა წყვდიადში გავხვიე,
10 საზღვრები დავუდე,კარიბჭეები და ურდულები დავუყენე,+
11 და ვუთხარი, აქამდე მოხვალ, ზღვარს არ გადმოხვალ,აქ გაჩერდება შენი მედიდური ზვირთები-მეთქი?!+
12 გიბრძანებია ოდესმე დილისთვისან გიუწყებია განთიადისთვის ადგილი,+
13 რომ მოეცვა დედამიწის კიდეებიდა განედევნა ბოროტები?!+
14 იცვლება მიწა, როგორც თიხა ბეჭედქვეშ,და როგორც სამოსზე, ისე ისახება მასზე ნაკვთები!
15 ქრება ბოროტთა ნათელიდა სტყდებათ აღმართული ხელი.
16 ჩასულხარ ზღვის ფსკერზე?!ან გამოგიკვლევია წყლის სიღრმეები?!+
17 გიხილავს ოდესმე სიკვდილის ბჭენი+ან გინახავს უკუნეთის კარიბჭენი?!+
18 შეგისწავლია დედამიწის ვეება სივრცე?!+
მითხარი, თუ გაგეგება რამე ამ ყოველივესი.
19 იცი, სადაა სინათლის სამყოფელი+
და სადაა სიბნელის სავანე,
20 რომ თავ-თავის ადგილას მიიყვანოდა გაიგო, რომელი გზები მიდის მათ სამყოფლამდე?!
21 საიდან გეცოდინება, როცა მაშინ არ ყოფილხარ დაბადებულიდა არც უამრავ წელს ითვლი?!
22 შესულხარ ოდესმე თოვლის საცავში+ან გინახავს სეტყვის საცავი,+
23 რომელსაც უბედურებისთვის ვინახავ,ბრძოლისა და ომის დღისთვის?!+
24 საიდან ვრცელდება სინათლედა სად წარმოიქმნება აღმოსავლეთის ქარი დედამიწაზე?!+
25 ვინ გახსნა წვიმის სადინარიდა ვინ გაუკვალა გზა საავდრო ღრუბელს,+
26 რომ ეწვიმებინა უკაცრიელ მიწაზე,უდაბნოში, სადაც კაციშვილი არ ჭაჭანებს,+
27 მოერწყო გაუდაბურებული ადგილებიდა აღმოეცენებინა ბალახი?!+
28 ჰყავს წვიმას მამა?!+ან ვინ წარმოშვა ნამი?!+
29 ვინ შობს ყინულსან ვინ ბადებს ციურ ჭირხლს,+
30 რომელიც წყლების თავზე ქვავდებადა ღრმა წყლის ზედაპირზე მყარდება?!+
31 შეგიძლია შეკრა ქიმის თანავარსკვლავედის* თოკებიან მოუშვა ქესილის თანავარსკვლავედის* ბაწრები?!+
32 შეგიძლია თავის დროზე გამოიყვანომაზაროთის თანავარსკვლავედი*
და აშის თანავარსკვლავედსა* და მის ვაჟებს გაუძღვე?!
33 იცი, რომელ კანონებს ემორჩილებიან ციური სხეულები?!+ან შეგიძლია მათი* კანონები დედამიწაზეც განავრცო?!
34 შეგიძლია ხმა მიაწვდინო ღრუბლებს,რომ თავსხმა წამოვიდეს?!+
35 შეგიძლია წარგზავნო ელვა?!
რა, მოვა და გეტყვის, აქა ვარო?!
36 ვინ მისცა სიბრძნე ღრუბლებს*+ან გონიერება — ციურ მოვლენებს*?!+
37 ვინაა ისეთი ბრძენი, რომ ღრუბლები დაითვალოს?!ან ვინ გადმოაპირქვავებს ზეცაში წყლის ჭურჭლებს,+
38 რაც მტვერს ტალახად აქცევსდა მიწის ბელტებს ერთმანეთს აკრობს?!
39 შეგიძლია, ლომს ნანადირევი მოუპოვო?!შეგიძლია შიმშილი მოუკლა მას,+
40 როცა თავის ბუნაგშიაან, როცა ჩასაფრებულია?!
41 ვის მიაქვს ყორნისთვის საჭმელი,+როცა მისი ბახალები საშველად ღმერთს შესჩხავიან,
საჭმელი არაფერი აქვთ და დაძრწიან?!“
სქოლიოები
^ შესაძლოა იგულისხმებოდეს ვარსკვლავთა გროვა კუროს თანავარსკვლავედში.
^ შესაძლოა იგულისხმებოდეს ორიონის თანავარსკვლავედი.
^ შესაძლოა იგულისხმებოდეს დიდი დათვის თანავარსკვლავედი.
^ უცნობი თანავარსკვლავედი.
^ ან შესაძლოა: „ღვთის“.
^ ან შესაძლოა: „კაცს“.
^ ან შესაძლოა: „გონებას“.