Karai Kasang kaw akyu hpyi ai shaloi, Yesu amying gang nna hpyi ra ai. Hpa majaw nga yang, dai hku hpyi yang she, Karai Kasang hkap la nna shi hte nihtep lu na re. Yesu ndai hku tsun ai: “Lam gaw ngai rai nga nngai, teng man ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.” (Yawhan 14:6) Yesu gaw sadi dung ai kasa ni hpe mung ndai hku tsun wa ai: “Ngai nanhte hpe gaja wa teng teng tsun ma de ga, Wa kaw na lama ma hpyi myit yang, nye amying a marang e shi nanhte hpe jaw na ra ai.”​—Yawhan 16:23.

Yesu a amying gang nna akyu hpyi ging ai lam ni

•   Anhte ni gaw, Yesu hte shi a Kawa Yehowa Karai Kasang hpe shakawn shagrau ai majaw re.​—Hpilipi 2:9-11.

•   Hkye hkrang la hkrum na matu, Karai Kasang lajang ya ai Yesu a si hkam ai lam hpe, anhte chyeju dum ai hpe madun mayu ai majaw re.​—Mahte 20:28; Kasa 4:12.

•   Karai Kasang hte masha ni, nihtep hkra karum ya ai wa hku nna, Yesu a laklai ai lam hpe anhte hkap la ai majaw re.​—Hebre 7:25.

•   Karai Kasang man hta anhte ni myiman pa lu hkra, Yesu gaw Hkinjawng Agyi Kaba hku nna magam gun ai hpe, anhte hkungga ga ai majaw re.​—Hebre 4:14-16.