Kũtembea Mbetheli
Twĩ na ũtanu mwingĩ kũũthokya ũtembee movisinĩ maitũ ma ũvonge ala mesĩkĩe ta Mbetheli. O na ĩngĩ movisinĩ amwe maitũ mũndũ ethĩawa atonya kũthi vala ũkwenda ate na vata wa kũtongoewʼa.
Kũsyokea Mũvango wa Kũtembea Mbetheli: Nthĩnĩ wa nthĩ mbingĩ, nĩtwasyokeie mũvango wa kũtembea movisinĩ maitũ ma ũvonge kwambĩĩa Ĩtukũ 1, Mwei wa 6, 2023. Nĩ kana ũkwate ũvoo mwingangĩ, kũnĩa ovisi ũla ũkwenda kũtembea. Twĩũkũlya ndũkatembee ethĩwa wĩ na ũwau wa COVID-19, wĩ na ĩkua, kana wĩĩwʼa ta yĩũkũkwata, kana ethĩwa mĩtũkĩnĩ nũnatindanisye na mũndũ ũnakwatĩkanie na COVID-19.
Angola
Rua de Talatona N°1 (Próximo da Angola Telecom)
LUANDA SUL
ANGOLA
+244 222-460-192
+244 222-460-211
Mũthenya na masaa ala ũtonya kũtembea
Wakwambĩlĩĩlya nginya Wakatano
Saa 2:00 kwakya nginya 5:00 kwakya na 7:00 mũthenya nginya 10:00 mũthenya
Ĩvinda ya ndatĩka 45
Kwa ũkuvĩ
Ovisi ũũ ũalyũlaa mavuku maeleetye Mbivilia kwa ithyomo sya Chokwe, Kikongo, Kimbundu, Ngangela, Nyaneka na Umbundu. Ũnyaĩĩkasya makaseti ta milioni ĩmwe kwa mwaka kwa ikundi mbee wa 1,000.