Mbivilia Ĩmanyĩasya Ata?
We Ngai e ĩsyĩtwa?
ANDŨ AMWE MAASYAA kana Ngai nde ĩsyĩtwa, angĩ maasyaa kana etawa o Ngai kana Mwĩaĩi, na angĩ maasya kana e masyĩtwa maingĩ. Naku wĩ na woni mwaũ?
ŨNDŨ MBIVILIA YAASYA
“No we wĩ weka, syĩtwa yaku nĩ Yeova, Nue Wĩ Ĩũlũ wa Onthe ĩũlũ wa nthĩ yonthe.”—Savuli 83:18.
NĨ ŨNDŨ ŨNGĨ MWAŨ TŨKWĨMANYĨSYA KUMA MBIVILIANĨ?
O na kau Ngai e masyĩtwa maingĩ ma kyeo, enengete ĩsyĩtwa o yĩmwe.—Kuma 3:15.
Ti ũndũ ũtatonyeka kũmũmanya Ngai, nũndũ nĩwendaa tũmũmanye.—Meko ma Atũmwa 17:27.
Kũmanya ĩsyĩtwa ya Ngai nĩyo ĩtambya ya mbee ya kwĩthĩwa wĩ mũnyanyae.—Yakovo 4:8.
Nĩ ũthũku kũtũmĩa ĩsyĩtwa ya Ngai?
WE ŨTONYA KŨSŨNGĨA ATA?
Ĩĩ
Aiee
Nĩvatonyeka
ŨNDŨ MBIVILIA YAASYA
‘Ndũkawete syĩtwa ya Yeova Ngai waku mana.’ (Kuma 20:7) Ũndũ ũla mũthũku nĩ kũtũmĩa ĩsyĩtwa ya Ngai kwa nzĩa ĩte na ndaĩa. —Yelemia 29:9.
NĨ ŨNDŨ ŨNGĨ MWAŨ TŨTONYA KWĨMANYĨSYA KUMA MBIVILIANĨ?
Yesũ nĩweesĩ ĩsyĩtwa ya Ngai na nĩwayĩtũmĩaa. —Yoana 17:25, 26.
Ngai nĩwendaa tũtũmĩae ĩsyĩtwa yake. —Savuli 105:1.
Amaitha ma Ngai matataa ũndũ matonya matume angĩ molwa nĩ ĩsyĩtwa ya Ngai.—Yelemia 23:27.
No Wendeewʼe Nĩ Ii
ESSENTIAL BIBLE TEACHINGS
We Ngai E Ĩsyĩtwa?
Ngai e masyĩtwa maingĩ ma ũnene ta, Mwene Vinya W’onthe, Mũmbi, na Mwĩaĩi. Ĩndĩ ĩsyĩtwa ya Ngai mwene nĩyĩtũmĩĩtwe Mbivilianĩ mavinda mbee wa 7,000.
MOSŨNGĨO MA MAKŨLYO MA MBIVILIA
Ngai E Masyĩtwa Meana?
Andũ nĩmatonya kũsũanĩa kana amwe ma masyĩtwa ma Ngai nĩ ‘Allah,’ ‘El Shaddai,’ ‘Yeova-yile,’ ‘Aliva na Omeka.’ Nĩkĩ nĩ ũndũ wa vata kũmanya ĩsyĩtwa ya Ngai?
MOSŨNGĨO MA MAKŨLYO MA MBIVILIA
Syĩtwa ya Ngai Nĩ Yesũ?
Yesũ ndaasya kana we nĩ Ngai Mwene Vinya Wʼonthe. Nĩkĩ?
MAŨNDŨ ĨŨLŨ WA MBETHELI
Mũvango wa Mwanya wa Kwonany’a Mbivilia
Kuma ĩla andũ moombiwe, Yeova ethĩĩtwe aivuanĩsya andũ ĩsyĩtwa yake. Sisya ũndũ ĩsyĩtwa ya Ngai yĩthĩĩtwe Mbivilianĩ kwa myaka mingĩ.
