1. Bíblia fla-nu‿un kuza sábi:

‘Jeová Deus é amor’.

Sigi se izénplu‿é bazi

Pa un vida más midjór.

Mostra‿amor pa kunpanheru

É sinal ki Jizus da

Di disiplus verdaderu,

Ki ta‿imita Jeová.

2. Óras ki nu pensa sénpri

Na amor di Deus pa nos,

Interesis ki nu tene,

Nu ta dexa pa dipôs.

Es amor é ka siumentu,

El é bon ku tudu‿algen.

É amor sen finjimentu

Ki Jeová krê pa nu ten.

3. Nu ka debe guarda mágua,

Nen rankor na korason.

Si nu sforsa pa nu púrdua,

Nu ta ganha nos irmon.

Mostra‿amor dimé-divéra

É kel lei más prinsipal.

Monti benson sta ta spéra

Kes ki sforsa pa mostra-l.