Bu pode skodje ki futuru bu krê ten
Dja ten uns 3.500 anu, ki Jeová fla kuzê ki pesoas meste fazeba pa es ten un futuru midjór. El fla: ‘N poi bu dianti vida ku mórti, benson ku maldison. Nhos skodje vida pa nhos kontinua bibu, anhos ku nhos disendentis’. — Deuteronómio 30:19.
Pesoas di kel ténpu meste tomaba bons disizon pa es tinha un futuru midjór. Nos tanbê nu debe faze mésmu kuza oji. Má kuzê ki nu debe faze pa nu ten un futuru midjór? Bíblia ta fla: ‘Nhos ten ki ama Jeová, nhos Deus, nhos ten ki obi se vós’. — Deuteronómio 30:20.
MODI KI NU PODE AMA JEOVÁ I OBI SE VÓS?
STUDA BÍBLIA: Pa bu ama Jeová, primeru bu meste prende kuzê ki Bíblia ta fla sobri el. Sima bu ta ba ta studa Bíblia, bu ta odja ma Jeová é un Deus ki ta ama-u i el krê kel ki é midjór pa bo. El ta konvida-u pa bu pidi-l ajuda na orason ‘pamodi el ta kuida di [bo].’ (1 Pedro 5:7) Bíblia ta promete ma si bu sforsa pa prende más sobri Jeová, ‘el ta ser [bu] amigu.’ — Tiago 4:8.
FAZE KUZÊ KI BU STA PRENDE: Bu ta mostra ma bu ta obi ku Deus óras ki bu ta sigi konsedjus di Bíblia. Si bu faze asi, ‘bu ta ten bon rezultadu na bu kaminhu i bu ta aji ku sabedoria.’ — Josué 1:8.
^ par. 7 Bíblia sta na txeu língua, sima Xinês Mandarin i Xinês Kantunês.
Bu pode gosta di kes-li tanbê
SENTINÉLA
Bu futuru sta na bu mô!
Alguns algen ta kridita ma é sórti ô distinu ki ta kontrola nos vida. Má é simé?
