Na janeru di 2021, Grupu Enkaregadu di Óbra faze lansamentu di livru i bruxura Vive filís pa tudu ténpu!. Kes publikason li ta djuda-nu ten midjór rezultadu na faze studus di Bíblia.

Kes novu funson di aplikativu JW Library ta bira kel livru i bruxura na formatu dijital más bunitu i más sábi di studa pa instrutor i pa studantis. Tra algun ténpu pa bu konxe dretu kes novu funson.

• Bu krê mostra bu studanti un pontu na un lison? Klika na parágrafu pa bu abri kes opson, dipôs skodje kel opson di Manda pa otu algen pa bu manda link di kel parágrafu.

• Bu krê obi un gravason di un parágrafu ku bu studanti? Klika na parágrafu pa bu abri kes opson, dipôs skodje kel opson di Poi ta toka pa bu obi kel gravason apartir di kel parágrafu.

• Talvês bu studanti sta ta uza bruxura ô livru na papel timenti bu sta ta uza na formatu dijital. Bu krê odja modi ki livru ta parse na papel? Bai na Más (na kes três pontu ki ta parse di riba) i dipôs klika na Formatu na papel. Klika na Formatu dijital pa bu volta otu bês pa formatu dijital.

• Bu krê djuda bus studanti marka na undi ki es fika ô skrebe kes méta ki es ten, na livru ô bruxura na formatu dijital? Insentiva-s pa es uza kes kuadru pa marka dia ki es tirmina kel lison ô pa skrebe algun méta ki es tene. Tanbê insentiva-s pa es uza kel kuadru “Marka bu leitura di Bíblia”.