Lukutakanu ya Distrike ya Bambangi ya Yehowa ya 2024
“Zabisa Nsangu ya Mbote!”
Kukota kele ya ofele • Bo ke lombaka ve mbongo
Bangindu ya Mfunu ya Lukutakanu
Kitanu: Tala mambu ya ke ndimisa nde nsangu ya mbote ya me tala Yezu yina kele na baevanzile kele disolo ya kieleka ya luzingu na yandi. Tala mutindu masolo yina ya Biblia lenda natila beto mambote bubu yai.
Mposo: Inki mambu Biblia tubaka na ntwala sambu na kubutuka mpi kuyela ya Yezu? Keti mambu yango lunganaka?
Lumingu: Na diskure ya bantu yonso ya ke tuba nde “Sambu na Nki Beto Ke Waka Ve Boma ya Bansangu ya Mbi,” tala sambu na nki bantu mingi bubu yai ke vandaka na ngemba mpi ke kudiwaka na lutaninu ata mambu ya nsi-ntoto ke landa mpenza kubeba.
Drame
Disolo ya Kisalu ya Yezu: Kitini 1
Nsemo ya Kieleka ya Nsi-Ntoto
Kubutuka ya Yezu na mutindu ya kuyituka vandaka kaka mosi na kati ya mambu mingi ya kuyituka yina salamaka ntangu yandi vandaka leke. Mfumu mosi ya mbi vandaka kusosa kufwa yandi yo yina bibuti na yandi tinisaka yandi na Ezipte. Na nima, yandi yitukisaka balongi ya kuluta nene ya bilumbu na yandi. Tala mambu yai mpi mambu mingi ya nkaka na kitini ya ntete mpi ya zole ya Drame na Kitanu mpi na Mposo.
Tala video ya ke landa ya ke tubila lukutakanu ya distrike ya mvula yai
Inki Ke Salamaka na Balukutakanu na Beto ya Distrike?
Tala mambu yina ke salamaka na lukutakanu ya Distrike ya Bambangi ya Yehowa.
Lukutakanu ya Distrike ya Bambangi ya Yehowa ya 2024: “Zabisa Nsangu ya Mbote!”
Tala mambu yina beto ta longuka na lukutakanu ya distrike ya mvula yai.
Drame na Bunkufi: Disolo ya Kisalu ya Yezu
Bantu mingi ke zabaka mutindu Yezu butukaka na mutindu ya kuyituka. Kansi nki mambu salamaka na ntwala mpi na nima ya diambu yina ya kuyituka?