ITHOMO RĨA 04
Ngai Nũũ?
Hakuhĩ ihinda rĩrĩa rĩothe andũ makoretwo thĩinĩ wa thĩ, mathathayagia ngai nyingĩ. No Bibilia yugaga atĩ nĩ kũrĩ Ngai ũmwe ũkoragwo arĩ “mũnene gũkĩra ngai iria ingĩ ciothe.” (2 Maũndũ ma Matukũ ma Tene 2:5) Ngai ũcio nĩ ũrĩkũ? Na nĩ kĩĩ gĩtũmaga akorũo arĩ mũnene gũkĩra Ngai iria ingĩ ciothe andũ mathathayagia? Ithomo-inĩ rĩrĩ, nĩ ũkwĩruta maũndũ marĩa Ngai ũcio angĩenda ũmenye mamwĩgiĩ.
1. Ngai etagwo atĩa, na tũngĩkorũo na ma atĩa atĩ nĩ endaga tũmenye rĩĩtwa rĩake?
Ngai nĩ emenyithanĩtie harĩ ithuĩ thĩinĩ wa Bibilia. Oigĩte ũũ: “Niĩ nĩ niĩ Jehova. Rĩu nĩrĩo rĩĩtwa rĩakwa.” (Thoma Isaia 42:5, 8.) Rĩĩtwa “Jehova” riumanĩte na rĩĩtwa rĩa Kĩhibirania rĩrĩa kwahoteka riugĩte “Nĩ Atũmaga Maũndũ Mekĩke.” Jehova nĩ endaga tũmenye rĩĩtwa rĩake. (Thama 3:15) Tũngiuga ũguo nĩkĩ? Rĩĩtwa rĩake rĩonekaga makĩria ma maita 7,000 thĩinĩ wa Bibilia! a Rĩĩtwa Jehova nĩ rĩa “Ngai ũrĩa wa ma kũrĩa igũrũ na gũkũ thĩ.”—Gũcokerithia Maathani 4:39.
2. Nĩ maũndũ marĩkũ Bibilia ĩguũrĩtie megiĩ Jehova?
Bibilia yugaga atĩ harĩ ngai iria ciothe ithathayagio nĩ andũ, Jehova nowe tu Ngai ũrĩa wa ma. Nĩkĩ? Kũrĩ na itũmi cigana ũna. Jehova nĩwe ũkoragwo na wathani ũrĩa mũnene, na nowe tu Ngai “Ũrĩa ũrĩ Igũrũ Mũno, igũrũ rĩa thĩ yothe.” (Thoma Thaburi 83:18.) Bibilia ĩmwĩtaga Mwene-Hinya-Wothe tondũ nĩ akoragwo na hinya wa gwĩka ũrĩa wothe angĩthuura gwĩka. Nĩwe “wombire indo ciothe,” akĩũmba thĩ na igũrũ, na kĩrĩa gĩothe kĩrĩ muoyo thĩinĩ wa thĩ. (Kũguũrĩrio 4:8, 11) Na no Jehova wiki ũtũire kuo kuuma tene, na egũtũũra nginya tene na tene.—Thaburi 90:2.
THUTHURIA MAKĨRIA
Reke tuone ngũrani ya marĩĩtwa ma Ngai ma ũnene na rĩĩtwa rĩake mwene. Tũcoke tuone ũrĩa akũmenyithĩtie rĩĩtwa rĩake na kĩrĩa gĩtũmĩte eke ũguo.
3. Ngai arĩ marĩĩtwa maingĩ ma ũnene, no nĩ arĩ rĩĩtwa rĩmwe rĩake mwene
Hihi nĩ kũrĩ ngũrani ya kũhũthĩra rĩĩtwa rĩa ũnene na kũhũthĩra rĩĩtwa rĩa mũndũ we mwene? Nĩguo muone macokio, mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Taarĩria ngũrani ya marĩĩtwa ma ũnene ma Ngai, ta “Mwathani,” na rĩĩtwa rĩake mwene.
Bibilia yugaga atĩ andũ mathathayagia ngai nyingĩ na athani aingĩ. Thomai Thaburi 136:1-3, mũcoke mwarĩrĩrie kĩũria gĩkĩ:
-
‘Ngai ũrĩa ũkĩrĩte ngai iria ingĩ ciothe’ na “Mwathani wa athani” nũũ?
4. Jehova nĩ endaga ũmenye rĩĩtwa rĩake na ũrĩhũthagĩre
Nĩ kĩĩ kĩonanagia atĩ Jehova nĩ endaga ũmenye rĩĩtwa rĩake? Mwĩrorerei VIDEO ĩno, mũcoke mwarĩrĩrie ciũria iria irũmĩrĩire.
-
Nĩ ũkuona ta Jehova endaga andũ mamenye rĩĩtwa rĩake? Ũngiuga ũguo nĩkĩ?
Jehova nĩ endaga andũ mahũthĩre rĩĩtwa rĩake. Thomai Aroma 10:13, mũcoke mwarĩrĩrie ciũria ici:
-
Kũhũthĩra rĩĩtwa rĩa Ngai, Jehova, nĩ kwa bata nĩkĩ?
-
Ũiguaga atĩa rĩrĩa mũndũ aririkana rĩĩtwa rĩaku na arĩhũthĩra?
-
Ũgwĩciria Jehova aiguaga atĩa rĩrĩa wahũthĩra rĩĩtwa rĩake?
5. Jehova nĩ endaga ũtuĩke mũrata wake
Mũtumia ũmwe wa kuuma Cambodia wĩtagwo Soten ooigire atĩ kũmenya rĩĩtwa rĩa Ngai nĩ kwamũteithirie kũgĩa na “ũndũ ũrĩa mwega mũno thĩinĩ wa thĩ.” Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Kũringana na video ĩyo-rĩ, kũmenya rĩĩtwa rĩa Ngai kwahutirie Soten na njĩra ĩrĩkũ?
Ũtanatuĩka mũrata wa mũndũ wambaga kũmenya rĩĩtwa rĩake. Thomai Jakubu 4:8a, mũcoke mwarĩrĩrie ciũria ici:
-
Jehova akwĩrĩte wĩke atĩa?
-
Kũmenya rĩĩtwa rĩa Ngai na kũrĩhũthĩra kũngĩgũteithia atĩa kũigua ũrĩ hakuhĩ nake?
ANDŨ AMWE MOIGAGA: “Ngai no ũmwe tu kwoguo gũtiramakania ũrĩa ũngĩmwĩta.”
-
Hihi wee nĩ wĩtĩkĩtie atĩ Ngai etagwo Jehova?
-
Ũngĩtaarĩria mũndũ atĩa atĩ Ngai nĩ endaga tũhũthĩre rĩĩtwa rĩake?
ŨRĨA TWERUTA
Ngai ũrĩa wa ma etagwo Jehova. Nĩ endaga tũmenye rĩĩtwa rĩu na tũrĩhũthagĩre nĩguo tũtuĩke arata ake.
Ciũria cia gũcokera
-
Ngũrani ya Jehova na ngai iria ingĩ ciothe andũ mathathayagia nĩ ĩrĩkũ?
-
Twagĩrĩirũo kũhũthĩra rĩĩtwa rĩa Ngai nĩkĩ?
-
Nĩ kĩĩ kĩronania atĩ Jehova nĩ endaga ũtuĩke mũrata wake?
RIKĨRA
Thuthuria maũndũ matano mangĩtũma tũkorũo na ma atĩ Ngai arĩ kuo.
Thuthuria wone kĩrĩa kĩngĩtũma twĩtĩkie atĩ Ngai akoretwo kuo kuuma o tene.
Wĩrute twagĩrĩirũo kũhũthĩra rĩĩtwa rĩa Ngai nĩkĩ, o na gũtuĩka gũtiũĩkaine ũrĩa rĩatamũkagwo tene.
Hihi nĩ kũmakanagia ũrĩa twĩtaga Ngai? Thoma wone kĩrĩa kĩngĩtũma tuuge atĩ rĩĩtwa rĩake mwene no rĩmwe tu.
a Nĩguo wone ũhoro makĩria wĩgiĩ ũrĩa rĩĩtwa rĩa Ngai riugĩte, na kĩrĩa gĩtũmĩte ataũri amwe a Bibilia marĩeherie, rora Ũhoro Muongerere A4 thĩinĩ wa Bibilia ya New World Translation in Kikuyu.
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
