Bibilia Yugaga Atĩa?
Hihi nĩ kũrĩ hĩndĩ gũgaakorũo na kĩhooto thĩinĩ wa thĩ?
Hihi ũngiuga atĩa?
Ĩĩ
Aca
No gũkorũo
Ũrĩa Bibilia yugaga
“Nĩnjũĩ atĩ andũ arĩa athĩnie, nĩ Jehova ũtuaga cira wao; nĩatiiragĩrĩra kĩhooto kĩa ngĩa.” (Thaburi 140:12) Ũthamaki wa Ngai nĩ ũkaarehe kĩhooto kĩa ma thĩinĩ wa thĩ.
Nĩ atĩa ũngĩ tũngĩĩruta kuuma Bibilia-inĩ?
Ngai nĩ onaga wagi wa kĩhooto ũrĩa ũrĩ thĩinĩ wa thĩ, na nĩ arĩũniina.—Kohelethu 5:8.
Kĩhooto kuuma kũrĩ Ngai nĩ gĩkaarehe thayũ na ũgitĩri thĩinĩ wa thĩ.—Isaia 32:16-18.
Hihi Ngai nĩ endete andũ amwe gũkĩra arĩa angĩ?
Andũ amwe metĩkĩtie atĩ Ngai nĩ arathimĩte kana akaruma andũ amwe, nao angĩ metĩkĩtie atĩ Ngai onaga andũ othe maiganaine. Ũgwĩciria atĩa?
Ũrĩa Bibilia yugaga
“Ngai ndarĩ mũthutũkanio, no thĩinĩ wa ndũrĩrĩ ciothe, mũndũ ũrĩa ũmwĩtigĩrĩte na wĩkaga ũrĩa kwagĩrĩire nĩ etĩkĩrĩkaga nĩ we.” (Atũmwo 10:34, 35) Andũ othe nĩ maiganaine maitho-inĩ ma Ngai.
Nĩ atĩa ũngĩ tũngĩĩruta kuuma Bibilia-inĩ?
Bibilia ĩrĩ na “ũhoro mwega” harĩ andũ a “ndũrĩrĩ ciothe na mĩhĩrĩga na thiomi na iruka cia andũ.”—Kũguũrĩrio 14:6.
Icunjĩ Ingĩ Hihi Ũngĩenda Gũthoma
MACOKIO MA CIŨRIA CIA BIBILIA
Hihi Ngai Nĩwe Ũtũmaga Andũ Manyamarĩke?
Nĩkĩ gĩtũmaga andũ othe manyamarĩke, o na arĩa matungatagĩra Ngai?
BIBILIA NĨ ĨGARŨRAGA MĨTŨŨRĨRE YA ANDŨ
Nĩ Ndendaga Kũrũa na Wagi wa Kĩhooto
Rafika aaingĩrire gĩkundi-inĩ gĩa gũcaria ũgarũrũku nĩguo arũe na wagi wa kĩhooto mĩikarĩre-inĩ ya andũ. No akĩona kĩĩranĩro kĩa Bibilia gĩa thayũ na kĩhooto rungu rwa Ũthamaki wa Ngai.
