Mo 24 Mei 2022, mokadoolopa kanini kaUvalde, Texas, U.S.A, omwa ningwa oshiningwanima shihe fi okupwilikinwa noshinyikifa oluhodi neenghono. She likolelela koshifokundaneki sho-The New York Times, “omulumenhu omunyasha okwa yasha nokudipaa ounona 19 novahongifikola vavali . . . vomofikola yehongo lopedu, yedina Robb.”

 Shi nyikifa oluhodi, oiningwanima ya tya ngaho ohai ningwa luhapu. Oshifokundaneki sho-USA Today osha twa omufindo kutya mo-United States osho ashike, “odula ya dja ko, omwa ningwa oikoya 249 yokuumba eendjebo meefikola, okuyelekanifa nomido da ka lupuka, okudja mo 1970.”

 Omolwashike oiningwanima oyo i di fa omaxwilili hai holoka po? Ongahelipi hatu dulu okuungaunga noinima ii ya tya ngaho? Mbela ope na ngoo eteelelo kutya oukolokoshi onau ka xule? Ombiibeli oi na omanyamukulo.

•    Ombiibeli oya popya kutya otu li mefimbo, olo hali ifanwa, ‘omafiku axuuninwa,’ omo ovanhu tava ka kala “vehe na ohole” nosho yo ve li “ovakwanyanya,” tava kufa ombinga moinima inyanyalifa nokulongifa eenghono. Ovo tava ulike omaukwatya a tya ngaho “otava ka xuma komesho mokulonga owii.” (2 Timoteus 3:1-5, 13) Opo u lihonge shihapu, lesha oshitukulwa “Did the Bible Predict the Way People Think and Act Today?”

 Vahapu ohave lipula kutya, ‘Omolwashike Kalunga iha kelele oinima ii iha ningwe, ngaashi okuumbwa kweendjebo meefikola?’ Opo u mone enyamukulo mOmbiibeli, lesha oshitukulwa “Bad Things Happen to Good People—Why?”

•    “Osheshi oinima aishe oyo ya shangwa nale, oya shangwa . . . opo tu kale tu na eteelelo hali di melididimiko nomokuhekelekwa kOmishangwa.” — Ovaroma 15:4.

 Omafinamhango Ombiibeli otaa dulu oku tu kwafela tu lididimikile ounyuni ou wa kolokosha. Opo u mone ouyelele muhapu, tala oshifo shOshiingilisha Kala Oupafi! shi na oshipalanyole, “Will Violence Ever End?”.

 Opo ovadali va mone omaetepo e na sha nanghee tava dulu okukwafela ounona vavo va ungaunge neenghundana odo di tilifa, lesha oshitukulwa “Disturbing News Reports and Your Children.”

•    “Ndele tai di kulile momafininiko nomomalwifo.” — Epsalme 72:14.

•    “Ndele tava ka hambula omaongamukonda avo omatemo nomaonga avo oikashulifo. Oshiwana itashi yelulile vali eongamukonda oshiwana shikwao, ndele itave ke lilonga vali oukwaita.” — Mika 4:3.

 Kalunga ota ka ninga osho ovanhu tava nyengwa okuninga. Ouhamba waye womeulu otau ka hanauna po oilwifo aishe nosho yo okuxulifa po elongifo leenghono. Opo u lihonge shihapu kombinga yaasho Ouhamba waKalunga tau ka wanifa po, lesha oshitukulwa “Under God’s Kingdom ‘Peace Will Abound.’”