جاستار ٷشىن
12. ماقساتتار قوي
نەنى بىلدىرەدى؟
ماقسات — جاي عانا ورىندالماس ارمان ەمەس. العا قويعان ماقساتقا قول جەتكىزۋ ٷشىن جوسپار قۇرۋ، يكەمدەلە ٴبىلۋ جانە جاقسىلاپ ەڭبەكتەنۋ قاجەت.
ماقساتتار مىنانداي بولىپ كەلەدى: قىسقا مەرزىمدى (بىرنەشە كۇن يا اپتا قاجەت)، ورتا مەرزىمدى (بىرنەشە اي قاجەت) جانە ۇزاق مەرزىمدى (ٴبىر جىل نە ودان كوپ ۋاقىت قاجەت). ۇزاق مەرزىمدى ماقساتتارعا ارالىق ماقساتتار ارقىلى جەتۋگە بولادى.
نەگە ماڭىزدى؟
الدىڭا قويعان ماقساتتارىڭا قول جەتكىزسەڭ، وزىڭە دەگەن سەنىمدىلىگىڭ وسەدى، باسقالارمەن دوستىعىڭ نىعايادى، قۋانىشىڭ دا ەسەلەنە تۇسەدى.
وزىڭە دەگەن سەنىمدىلىك. كىشىگىرىم ماقساتتار قويىپ، ولارعا قول جەتكىزگەندە، بويىڭدا سەنىمدىلىك پايدا بولىپ، ودان دا ۇلكەن ماقساتتارعا قول سوزاسىڭ. سونداي-اق قۇربى-قۇرداستاردىڭ قىسىمى سياقتى كۇندە كەزىگەتىن قيىندىقتارعا تويتارىس بەرە الاتىنىڭا اناعۇرلىم سەنىمدى بولاسىڭ.
دوستىق قارىم-قاتىناس. جۇرت ادەتتە ماقساتشىل ادامدارعا، ياعني ومىردە نە قالايتىنىن ناقتى بىلەتىن ٵرى سوعان ۇمتىلاتىن ادامدارعا تارتىلىپ تۇرادى. ونىڭ ۇستىنە، ماقساتتارى ورتاق ەكى ادام جۇمىلا ارەكەت ەتكەندە، دوستىقتارى بەكي تۇسەدى.
قۋانىش سەزىمى. العا قويعان ماقساتتارىڭا قول جەتكىزگەندە، زور قاناعات سەزىنەسىڭ.
«مەن ماقساتتار قويعاندى جاقسى كورەمىن. سولارعا قول جەتكىزۋ جولىندا ۇنەمى ەڭبەكتەنەمىن. ال قانداي دا ٴبىر ماقساتقا جەتكەن سوڭ: — ٴماسساعان، بۇل قولىمنان كەلدى! ماقسات تۇتقانىمدى جۇزەگە اسىردىم!— دەپ ايتقانعا نە جەتسىن!» (كريستوفەر)
كيەلى كىتاپ كەڭەسى: «جەل باققان تۇقىم سەپپەس، بۇلت اڭدىعان ٶنىم جيناماس» (ۋاعىزداۋشى 11:4).
نە ىستەي الاسىڭ؟
الدىڭا ماقساتتار قويىپ، وعان جەتۋ ٷشىن كەلەسى قادامداردى جاساپ كور:
انىقتاپ ال. ويدا تۇتقان ماقساتتارىڭنىڭ ٴتىزىمىن جاسا. سوسىن ماڭىزدىلىعى بويىنشا قايسىسىن ٴبىرىنشى، قايسىسىن ەكىنشى، قايسىسىن ٷشىنشى كەزەكتە ىسكە اسىرعىڭ كەلەتىنىن بەلگىلەپ شىق.
جوسپار قۇر. ٵر ماقساتىڭا قاتىستى بىلاي ىستەپ كور:
-
ورىندالۋ ۋاقىتىن بەلگىلە.
-
ناقتى قادامدارىن جاز.
-
قانداي كەدەرگىلەر بارىن جانە ولاردى قالاي جەڭۋگە بولاتىنىن ويلا.
ىسكە اسىر. ٴبارىن بۇگە-شىگەسىنە دەيىن ويلاستىرعانشا كۇتىپ جۇرە بەرمە. «ماقساتىما قول جەتكىزۋ ٷشىن نە ىستەي بەرسەم بولادى؟» دەپ ويلانىپ كور. سوسىن ىسكە كىرىس. بىتىرگەن ٵربىر ٸسىڭدى بەلگىلەپ وتىر.
كيەلى كىتاپ كەڭەسى: «ىنتالىنىڭ جوسپارلارى تابىسقا جەتەلەر» (ناقىل سوزدەر 21:5).
قىزىقتى بولار مالىمەتتەر
قۇرداستارىڭ نە دەيدى؟
كامەرون ەڭ جاقسى ٶمىر جولىن تاڭدادى
ٶمىرىڭىزدىڭ قۋانىشقا تولى بولعانىن قالايسىز با؟ كامەرون ەسىمدى جاس قىزدىڭ بەيتانىس جەردە قالاي كوپ قۋانىشقا كەنەلگەنى جايلى بەينەروليكتى كورىڭىز.
جاستاردىڭ ساۋالدارى
كىمنەن ۇلگى السام بولادى؟
ۇلگى تۇتاتىن ادامىڭنىڭ بولعانى ساعان پروبلەمالاردى اينالىپ وتۋگە، ماقساتتارىڭا جەتۋگە جانە ومىردە تابىستى بولۋعا كومەكتەسەدى. ٴبىراق كىمنەن ۇلگى الساڭ بولادى؟
