8-ساباق
قۇداي قايعى-قاسىرەتكە نەگە جول بەرىپ وتىر؟
1. زۇلىمدىق قالاي باستاۋ الدى؟
قۇداي جەردەگى ۇكىمەتتەردىڭ ادامزات پروبلەمالارىن شەشە المايتىنىن كورسەتۋ ٷشىن ولاردىڭ بەلگىلى ٴبىر ۋاقىت بويى بيلىك ەتۋىنە جول بەردى
جەر بەتىندە زۇلىمدىق شايتان العاش رەت وتىرىك ايتقان كەزدە باستاۋ الدى. و باستا شايتان ەش كۇناسىز پەرىشتە بولاتىن، الايدا ول «شىندىقتان تايىپ كەتتى» (جوحان 8:44). ول ادامداردىڭ تەك قۇدايعا عانا عيبادات ەتكەنىن كورە المادى. سودان العاشقى ايەل حاۋا اناعا جالعان سويلەپ، ونى قۇدايعا مويىنسۇنباۋعا يلاندىردى. ادام اتا دا حاۋا اناعا ەرىپ، قۇداي زاڭىن بۇزدى. ادام اتانىڭ وسىنداي شەشىم قابىلداعانى دۇنيەگە قايعى-قاسىرەت پەن ٶلىم اكەلدى. (مۇسانىڭ 1-جازباسى 3:1—6، 19 وقىڭىز).
شايتان حاۋا انانى ٴتىلازار بولۋعا يتەرمەلەۋىمەن قۇدايدىڭ بۇكىلالەمدىك بيلىگىنە قارسى شىقتى. سودان بەرى ادامداردىڭ باسىم كوپشىلىگى شايتانعا ەرىپ، قۇدايدىڭ بيلىگىنەن باس تارتىپ كەلەدى. وسىلايشا شايتان «وسى دۇنيەنىڭ بيلەۋشىسىنە» اينالدى. (جوحان 14:30؛ جوحاننىڭ 1-حاتى 5:19 وقىڭىز).
2. قۇدايدىڭ جاراتىلىستارىندا ٴمىن بولدى ما؟
قۇدايدىڭ بارلىق ىستەرى كەمەلدى ٵرى ٴمىنسىز. قۇداي ادامدار مەن پەرىشتەلەردى وزىنە تولىق مويىنسۇنا الاتىنداي ەتىپ جاراتقان (مۇسانىڭ 5-جازباسى 32:4، 5). سونداي-اق ول ادامعا جاقسىنى نە جاماندى تاڭداۋعا ەركىندىك بەرگەن. بۇل ەركىندىك بىزگە قۇدايعا دەگەن سۇيىسپەنشىلىگىمىزدى كورسەتۋگە مۇمكىندىك بەرەدى. (جاقىپ 1:13—15؛ جوحاننىڭ 1-حاتى 5:3 وقىڭىز).
3. نەگە قۇداي قايعى-قاسىرەتكە جول بەرىپ وتىر؟
ەحوبا قۇداي ٶزىنىڭ بيلىگىنە قارسى شىققان بۇلىكشىلەردى بىردەن جويماي، ولارعا بەلگىلى ٴبىر ۋاقىت بەردى. نە ٷشىن؟ ادام بالاسىنىڭ ٶز بەتىنشە بيلىك جۇرگىزۋى جاقسى ناتيجە اكەلمەيتىنىن كورسەتۋ ٷشىن (ۋاعىزداۋشى 7:29؛ 8:9). العاشقى ادامداردىڭ بۇلىگىنەن بەرى 6000 جىل ٶتتى. سول ۋاقىتتىڭ ىشىندە بيلىك ەتكەن ۇكىمەتتەردىڭ ەشقايسىسى دا اۋرۋ، ادىلەتسىزدىك، سوعىس پەن قىلمىستى توقتاتا المادى. (ەرەميا 10:23؛ ريمدىكتەرگە 9:17 وقىڭىز).
ال قۇدايدىڭ بيلىگى، كەرىسىنشە، وزىنە مويىنسۇناتىندارعا تەك يگىلىك اكەلەدى (يشايا 48:17، 18). كوپ ۇزاماي ەحوبا بارلىق ادامزات ۇكىمەتتەرىن جويادى. قۇدايدىڭ بيلىگىنە مويىنسۇنۋدى شەشكەن ادامدار عانا جەردە باقىتتى ٶمىر سۇرەتىن بولادى (يشايا 11:9). (دانيال 2:44 وقىڭىز).
«قۇداي نەگە قايعى-قاسىرەتكە جول بەرەدى؟» دەگەن بەينەروليكتى كورىڭىز.
4. قۇدايدىڭ توزىمدىلىك تانىتۋىنىڭ بىزگە قانداي پايداسى بار؟
شايتان قۇدايعا قىزمەت ەتەتىندەرگە جالا جاپتى. ونىڭ ايتۋىنشا، ٵربىر ادام قۇدايعا قارا باسىنىڭ پايداسى ٷشىن عانا قىزمەت ەتەدى. ٴسىز وسى جالانى جوققا شىعارۋدى قالايسىز با؟ بۇل ٴسىزدىڭ قولىڭىزدان كەلەدى. قۇدايدىڭ توزىمدىلىگى اربىرىمىزگە كىمنىڭ بيلىگىن تاڭدايتىنىمىزدى، قۇدايدىكىن بە، جوق الدە ادامداردىكىن بە، سونى شەشىپ الۋىمىزعا مۇمكىندىك بەرىپ وتىر. قانداي شەشىم قابىلداعانىمىز ٶمىر سالتىمىزدان كورىنۋى ٴتيىس. (ٵيۇپ 1:8—12؛ ناقىل سوزدەر 27:11 وقىڭىز).
5. قۇدايدى بيلەۋشىمىز رەتىندە تاڭداعانىمىزدى قالاي كورسەتەمىز؟
ٴبىزدىڭ شەشىمىمىز قۇدايدى بيلەۋشىمىز رەتىندە مويىندايمىز با، جوق پا، سونى كورسەتەدى
قۇدايدى بيلەۋشىمىز رەتىندە تاڭداعانىمىزدى ونىڭ ٴسوزى كيەلى كىتاپقا نەگىزدەلگەن شىنايى عيباداتتى قابىلداپ، سوعان ساي ٶمىر ٴسۇرۋ ارقىلى كورسەتەمىز (جوحان 4:23). بۇعان قوسا، يساعا ەلىكتەپ، ساياسات پەن سوعىسقا قاتىستى ىستەرگە ارالاسپاۋ ارقىلى شايتاننىڭ بيلىگىنەن باس تارتقانىمىز دۇرىس. (جوحان 17:14 وقىڭىز).
شايتان ازعىندىق پەن زۇلىمدىقتىڭ كەڭ ەتەك الۋى ٷشىن بار كۇشىن سالۋدا. مۇنداي ىستەرگە ارالاسۋدان باس تارتقان كەزدە كەيبىر دوستارىمىز بەن تۋىستارىمىز ٴبىزدى مازاق ەتۋى، ٴتىپتى قارسىلىق كورسەتۋى مۇمكىن (پەتىردىڭ 1-حاتى 4:3، 4). مۇندايدا تاڭداۋ جاساۋ كەرەك بولادى. قۇدايعا ۇنامدى ادامدارمەن ارالاسىپ، ونىڭ سۇيىسپەنشىلىكپەن بەرگەن دانا زاڭدارىن ورىندايمىز با؟ وسىلاي ەتسەك، قيىندىققا كەزىككەن كەز كەلگەن ادام قۇدايعا ادالدىعىن ساقتامايدى دەگەن شايتاننىڭ جالاسىن جوققا شىعارامىز. (قورىنتتىقتارعا 1-حات 6:9، 10؛ 15:33 وقىڭىز).
قۇدايدىڭ ادامدارعا دەگەن سۇيىسپەنشىلىگى ونىڭ زۇلىمدىق پەن قايعى-قاسىرەتتى جوياتىنىنىڭ كەپىلى بولىپ تابىلادى. قۇدايدىڭ ەڭ جاقسى بيلەۋشى ەكەنىنە سەنەتىن ادامدار جەردە ماڭگى ٶمىر سۇرەتىن بولادى. (جوحان 3:16 وقىڭىز).
