قۇدايدىڭ قانشا اتى بار؟
كيەلى كىتاپتىڭ جاۋابى
قۇدايدىڭ وزىنە لايىق ٴبىر عانا ەسىم بار. ەۆرەيشە ول יהוה دەپ جازىلادى، ال قازاق تىلىندە «ەحوبا» دەپ دىبىستالادى a. قۇداي ٶزىنىڭ يشايا دەگەن پايعامبارى ارقىلى: «مەن ەحوبامىن. بۇل — مەنىڭ ەسىمىم»،— دەگەن (يشايا 42:8). ەحوبا دەگەن ەسىم كيەلى كىتاپتىڭ كونە قولجازبالارىندا شامامەن 7000 رەت قولدانىلادى. وندا بۇل ەسىم «قۇداي»، «جاراتقان يە» سياقتى لاۋازىمدار مەن كىسى اتتارىنىڭ قاي-قايسىسىنان دا ٴجيى كەزدەسەدى b.
ەحوبانىڭ باسقا دا اتتارى بار ما؟
كيەلى كىتاپتا قۇدايدىڭ ٴبىر عانا ەسىمى اتالعانىمەن، ونىڭ كوپتەگەن لاۋازىمدارى دا قولدانىلادى. تومەندە كەلتىرىلگەن لاۋازىمدار ەحوبانىڭ بولمىسىن ٴتۇرلى قىرىنان كورسەتەدى.
لاۋازىم |
كيەلى كىتاپتاعى تارماقتار |
ماعىناسى |
|---|---|---|
اللاھ |
|
اراب تىلىندەگى «اللاھ» دەگەن ٴسوز — «قۇداي» دەگەندى بىلدىرەتىن لاۋازىم عانا. كيەلى كىتاپتىڭ كەيبىر اۋدارمالارىندا «اللاھ» ٴسوزى «قۇداي» دەگەن لاۋازىمنىڭ ورنىنا قولدانىلادى. |
الفا جانە ومەگا |
«العاشقى مەن سوڭعى»، «باسى جانە اياعى» دەگەندى بىلدىرەدى. بۇل لاۋازىم ەحوباعا دەيىن ەشقانداي قۇداي بولماعانىنا جانە ودان كەيىن دە بولمايتىنىنا نۇسقايدى (يشايا 43:10). الفا جانە ومەگا — گرەك الىپبيىندەگى ٴبىرىنشى جانە سوڭعى ارىپتەر. |
|
اكە |
ٶمىر بەرۋشى. |
|
الەمنىڭ ٵمىرشىسى |
بۇكىلالەمدىك بيلىگى بار. |
|
اسكەرباسى ەحوبا |
سانسىز كوپ پەرىشتەنى باستاپ الىپ جۇرەدى. |
|
باعۋشى |
وزىنە قۇلشىلىق ەتەتىن ادامداردىڭ قامىن جاسايدى. |
|
باقىتتى قۇداي |
وعان قۋانىش پەن باقىت ٴتان (ٴزابۇر 104:31). |
|
دۇعالاردى تىڭداۋشى |
وزىنە سەنىممەن ايتىلعان دۇعالاردىڭ ٴبارىن تىڭدايدى. |
|
ەجەلدەن بار ٴتاڭىر يە |
ونىڭ باستاماسى بولماعان. ول ەشكىم دە، ەش نارسە دە پايدا بولماي تۇرىپ بار بولعان (ٴزابۇر 90:2). |
|
ەڭ كيەلى قۇداي |
جاراتىلىستاردىڭ بارلىعىنان الدەقايدا كيەلى (قۇلىقتىلىق جاعىنان كىرشىكسىز تازا). |
|
جارتاس |
قاۋىپسىز پانا جانە قۇتقارۋشى. |
|
يە |
قوجايىن. |
|
كىم بولعىم كەلسە، سول بولامىن |
ٶز ماقساتىنا جەتۋ ٷشىن كىم بولۋ قاجەت بولسا، سول بولادى. بۇل لاۋازىم مۇسانىڭ 2-جازباسى 3:15 تە كەلتىرىلگەن قۇداي ەسىمىنىڭ ماعىناسىن تۇسىنۋگە كومەكتەسەدى. |
|
قۇداي |
سانالى جاراتىلىستار قۇلشىلىق ەتەتىن قۇدىرەتتى تۇلعا. ەۆرەي تىلىندەگى كوپشە تۇردەگى «ەلوحيم» ٴسوزى ەحوبانىڭ ۇلىلىعىنا، دارەجەسى مەن سالتاناتىنا نۇسقايدى. |
|
قۇداي تاعالا |
ەڭ جوعارى دارەجەلى تۇلعا. |
|
قۇدايلاردىڭ قۇدايى |
ول كەيبىرەۋلەر تابىناتىن «تۇككە تۇرعىسىز قۇدايلاردان» الدەقايدا جوعارى تۇر (يشايا 2:8). |
|
قۇدىرەتى شەكسىز قۇداي |
ٴشەكسىز قۇدىرەتكە يە. بۇل لاۋازىم كيەلى كىتاپتىڭ ٴتۇپنۇسقاسىندا جەتى رەت كەزدەسەدى. |
|
قۇمىراشى |
قۇمىراشىنىڭ بالشىقپەن نە ىستەيمىن دەسە دە ٶز ەركى. سول سياقتى قۇداي دا جەكەلەگەن ادامدار مەن حالىقتارعا ٵمىر جۇرگىزۋگە قۇقىلى (ريمدىكتەرگە 9:20، 21). |
|
قۇن وتەۋشى |
يسا ٴماسىحتىڭ تولەم قۇرباندىعى ارقىلى ادامزاتتىڭ قۇنىن وتەپ، كۇنا مەن ولىمنەن قۇتقارىپ قالدى (جوحان 3:16). |
|
قۇتقارۋشى |
قاۋىپ-قاتەردەن جانە جويىلۋدان امان ساقتايدى. |
|
ماڭگىلىكتىڭ پاتشاسى |
ونىڭ بيلىگى بۇعان دەيىن بولعان، بولا دا بەرەدى. |
|
وزىنە قالتقىسىز بەرىلۋدى تالاپ ەتەتىن قۇداي |
ول وزىنەن باسقا تاڭىرلەردىڭ بولۋىنا توزبەيدى. |
|
ۇلى جاراتۋشى |
بارلىق نارسەنى جاراتقان (ايان 4:11). |
|
ۇلى تالىمگەر |
پايدالىنى ۇيرەتىپ، باعىت-باعدار بەرەدى (يشايا 48:17، 18). |
ەۆرەي جازبالارىنداعى جەرلەردىڭ اتاۋلارى
كيەلى كىتاپتا كەزدەسەتىن كەيبىر جەر اتاۋلارىنىڭ قۇرامىندا قۇدايدىڭ ەسىمى بار. ٴبىراق ولار قۇدايدىڭ لاۋازىمدارىنا جاتپايدى.
جەر اتاۋى |
كيەلى كىتاپتاعى تارماقتار |
ماعىناسى |
|---|---|---|
ەحوبا-يرە |
«ەحوبا قاجەتىڭدى بەرەدى». |
|
ەحوبا-نيسسي |
«ەحوبا مەنىڭ بەلگى باعانام». ونىڭ حالقى قاناتىنىڭ استىنان قورعانىش پەن كومەك تابا الادى (مۇسانىڭ 2-جازباسى 17:13—16). |
|
ەحوبا-شالوم |
«ەحوبا — تاتۋلىق». |
قۇدايدىڭ ەسىمىن ٴبىلۋ جانە قولدانۋ نەگە ماڭىزدى؟
قۇداي ادامداردى ٶزىنىڭ ەحوبا دەگەن ەسىمىن بىلسە ەكەن دەيدى. سول سەبەپتەن دە ول كيەلى كىتاپتا مىڭداعان رەت ٶزىنىڭ ەسىمىن جازدىرتقان (مالاحي 1:11).
يسا ٴماسىح قۇدايدىڭ ەسىمىنىڭ ماڭىزدىلىعىنا كوپ رەت نازار اۋدارعان. مىسالى، ول ەحوبا قۇدايعا: «سەنىڭ ەسىمىڭ كيەلى تۇتىلسىن!»— دەپ دۇعا ەتكەن (ماتاي 6:9؛ جوحان 17:6).
قۇدايدىڭ ەسىمىن ٴبىلۋ جانە قولدانۋ — قۇدايمەن دوس بولۋ ٷشىن جاسالاتىن العاشقى قادام (ٴزابۇر 9:10؛ مالاحي 3:16). قۇدايمەن دوس بولعان ادامدار مىنا ۋادەنىڭ ورىندالۋىن كورەدى: «ول مەنى جاقسى كورگەندىكتەن، مەن ونى قۇتقارامىن. ەسىمىمدى بىلگەندىكتەن، ونى قورعايتىن بولامىن» (ٴزابۇر 91:14).
كيەلى كىتاپتا بىلاي دەپ جازىلعان: «كوپتەگەن «قۇدايلار» مەن «يەلەر» بار، سول سياقتى كوكتە دە، جەردە دە «قۇداي» دەپ اتالاتىندار بار» (قورىنتتىقتارعا 1-حات 8:5، 6). ٴبىراق وندا جالعىز شىنايى قۇداي ەحوبا دەگەن ەسىممەن اجىراتىلادى (ٴزابۇر 83:18).
a ەۆرەي ٴتىلىنىڭ كەي ماماندارى قۇدايدىڭ ەسىمى «ياحۆە» دەپ دىبىستالاتىنىن ايتادى.
b «ياح» دەگەن قۇداي ەسىمىنىڭ قىسقا ٴتۇرى كيەلى كىتاپتا 50 رەت كەزدەسەدى: 26 رەت جەكە ٶزى، ال 24 رەت «الليلۋيا» (ماعىناسى «ياحتى ماداقتاڭدار») ٴسوزىنىڭ قۇرامىندا (ايان 19:1).
قىزىقتى بولار مالىمەتتەر
ESSENTIAL BIBLE TEACHINGS
اللا تاعالانىڭ ەسىمى بار ما؟
قۇدايدىڭ كوپ لاۋازىمى بار. مىسالى، قۇدىرەتتى، جاراتۋشى، راببى. ٴبىراق كيەلى كىتاپتا ونىڭ دارا ەسىمى 7000 نان استام رەت كەزدەسەدى.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.