نەگە ەحوبا كۋاگەرلەرى وزدەرىنە جابىلعان جالاعا جاۋاپ قايتارمايدى؟
ەحوبا كۋاگەرلەرى كيەلى كىتاپتاعى كەڭەسكە قۇلاق اسقاندىقتان، جالا جاپقان نە كەلەكە-مازاق ەتكەن ادامدارعا جاۋاپ قايتارا بەرمەيدى. مىسالى، كيەلى كىتاپتا مىناداي كەڭەس بار: «مازاقتاعىشتى تۇزەتكەن ماسقارا بولار» (ناقىل سوزدەر 9:7، 8؛ 26:4). ٴبىز جالعان ايىپتارعا بولا تالاس-تارتىسقا تۇسكەننەن گورى، قۇدايعا ۇنامدى بولۋعا كوبىرەك ٴمان بەرەمىز (ٴزابۇر 119:69).
ارينە، «ۇندەمەيتىن ۋاقىت» جانە «سويلەيتىن ۋاقىت» بولادى (ۋاعىزداۋشى 3:7). ٴبىز قۇداي تۋرالى شىندىقتى ىزدەگەن اقجۇرەك ادامداردىڭ سۇراقتارىنا جاۋاپ بەرۋگە دايىنبىز. ٴبىراق ەش ٴمانى جوق ايتىس-تارتىستان اۋلاقپىز. وسىلايشا يسا پايعامباردىڭ جانە ەرتەدەگى ماسىحشىلەردىڭ ۇلگىسىنە ەلىكتەيمىز.
يسا ٴماسىح جالعان ايىپپەن پيلات دەگەن ٵمىرشىنىڭ الدىندا تۇرعاندا، ەشقانداي جاۋاپ قايتارمادى (ماتاي 27:11—14؛ پەتىردىڭ 1-حاتى 2:21—23). سونداي-اق جۇرت: «مىناۋ تاماق جەپ، شاراپ ٸشۋدى جاقسى كورەدى»،— دەپ مازاقتاعاندا دا ول ٴلام-ميم دەمەدى. كيەلى كىتاپتاعى «دانالىق ىستەرىمەن دالەلدەنەدى» دەگەن سوزدەرگە ساي، يسا ٶزىنىڭ قانداي ادام ەكەنىن ىستەرىمەن كورسەتكەن (ماتاي 11:19). ٴبىراق سويلەۋ كەرەك جاعدايلاردا ول جالعان ايىپتارعا باتىلدىقپەن جاۋاپ قايتارا بىلگەن (ماتاي 15:1—3؛ مارقا 3:22—30).
يسا ٶزىنىڭ ٸزباسارلارىن جالعان ايىپتارعا كەزىككەن جاعدايدا جىگەرلەرىن جاسىتپاۋعا شاقىرعان. ول: «ماعان بولا جۇرت سەندەردى قورلاپ، قۋدالاپ نە ٴتۇرلى جالا جاۋىپ جامانداسا، باقىتتىسىڭدار»،— دەگەن (ماتاي 5:11، 12). يسا وسىنداي جاعدايلار ٴتىپتى قۇداي جايلى حابار ايتۋعا جول اشاتىنىن ايتىپ، بىلاي دەپ ۋادە ەتكەن: «مەن سەندەرگە دانالىق بەرىپ، ايتاتىن سوزدەرىڭدى اۋىزدارىڭا سالامىن. سوندا جاۋلارىڭنىڭ ٴبارى بىرىكسە دە، سەندەرگە قارسى شىعا دا، داۋلاسا دا المايدى» (لۇقا 21:12—15).
ەلشى پاۋىل ماسىحشىلەردى قارسىلاستارىمەن داۋلاسپاۋعا شاقىرعان. ول مۇنداي تارتىستاردىڭ «ەش پايداسىز، بوس اۋرەشىلىك» ەكەنىن ايتقان (تيتكە 3:9؛ ريمدىكتەرگە 16:17، 18).
ەلشى پەتىر ماسىحشىلەردى مۇمكىن بولعان كەزدىڭ بارىندە سەنىمدەرىن قورعاپ سويلەۋگە شاقىرعان (پەتىردىڭ 1-حاتى 3:15). ٴبىراق ول سوزگە قاراعاندا ٸس-ارەكەتتىڭ سالماعى باسىمىراق ەكەنىنە نازار اۋدارىپ: «يگى ىستەرىڭ ارقىلى اقىلسىز ادامداردىڭ ناداندىقپەن ايتقان سوزدەرىنە توسقاۋىل قويىڭدار»،— دەپ جازعان (پەتىردىڭ 1-حاتى 2:12—15).
قىزىقتى بولار مالىمەتتەر
ٴجيى قويىلاتىن سۇراقتار
ەحوبا كۋاگەرلەرى نە نارسەگە سەنەدى؟
ٴبىزدىڭ نەگىزگى ىلىمدەرىمىزدىڭ 15 ىنە كوڭىل اۋدارىڭىز.
ٴجيى قويىلاتىن سۇراقتار
ەحوبا كۋاگەرلەرى ۇيىمىنىڭ نەگىزىن كىم قالاعان؟
چارلز تەيز راسسەلدىڭ جاڭا ٴدىننىڭ نەگىزىن قالاماعانى جايىندا وقىڭىز.
قىزمەتكە ارنالعان العى سوزدەر
ەحوبا كۋاگەرلەرى دەگەن كىمدەر؟
كوپ ادام ەحوبا كۋاگەرلەرىنىڭ كىم ەكەندەرىن ٴبىلۋدى قالايدى. وسى ۆيدەودان كوپ مالىمەت الا الاسىز.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.