“MEERAANINNI AJUALLATSITSINERIT NILLIANERILLU TUSAAJUARPAKKA,” Patricia oqalut­tuar­poq. “Isumak­keerfigin­nin­neq ilik­kan­ngilara. Al­laat inersimasun­ngorama ajual­latsitsinerit ul­lor­pas­suar­ni eq­qarsaatigisar­pak­ka, sinis­saarus­sutigisarlugit.” Aap, narrutsas­simaar­neq pil­luar­nar­nanilu peq­qin­nan­ngilaq. Ilisimatusar­nermimi paasineqar­poq inuit isumak­keerfigin­nit­tan­ngitsut ...

• Kaman­ner­tik narrutsas­simaar­ner­til­lu ikin­ngutigiin­nermut ajoqutaatil­lugu kiserlior­tun­ngor­tar­tut

• Ajual­lajasun­ngor­tar­tut, isumakululiasar­tut al­laal­luun­niit isumatsarujus­suarsin­naasar­tut

• Kuk­kuneq isiginiar­nerugamik­ku inuuneq nuan­naarutigisin­naasan­ngik­kaat

• Up­perisamin­nut naaper­tuut­tumik inuusin­naanatik misigisar­tut

• Uip­pakajaar­neruler­tar­tut nap­paateqaleriaan­naasar­tul­lu (nap­paatit ilagaat aap naqitsinerata qaf­fasip­pal­laar­nera, uum­mal­lun­neq an­niaateqar­nerlu, soorlu naggus­serineq niaqorlun­nerlu) *

ISUMAKKEERFIGINNINNERUP ISUMAA. Tas­saavoq ajor­tulior­tumik saam­maas­sineq aam­ma kaman­nermik, narrutsas­simaar­nermik akiniaarusun­nermil­lu iperaaneq. Ajor­tulior­nermil­li isigin­nin­ngitsuusaarinerunanilu suusupagin­nin­nerun­ngilaq. Paarlat­tuanil­li eq­qarsaatigeq­qis­saareerlugu asan­nin­neq kajumis­sis­sutigalugu inoqam­mik eq­qis­seqateqarumal­luni at­taveqatigiil­lualerumal­lunilu aalajanger­neruvoq.

Isumak­keerfigin­nit­tup paasin­nit­tuugami nalun­ngilaa tamat­ta oqaatsik­kut iliuutsik­kul­lu kuk­kusar­tugut. (Romamiut 3:23) Taamaat­tumik Biibilimi ima kajumis­saar­neqar­pugut: “Kamageqatigiigitsi isumak­keerfigeqatigiit­tarlusilu arlas­sin­nut as­suarliutis­saqaraangas­si. Soorlu Naalak­kap isumak­keerfigigaasi taamatut­taaq ilis­si ilius­saasi.” – Kolos­semiut 3:13.

Tamatuman­nga erser­poq isumak­keerfigin­nin­neq asan­nin­nermut, ‘naam­mal­luin­nas­sutsip qilerutaanut’, ilaasoq pingaarutilik. (Kolos­semiut 3:14) Mayo Clinicip nit­tar­tagaa naaper­torlugu isumak­keerfigin­nin­neq ...

•   Ajual­latsitsisumik misigin­neqataalersitsisarami at­tavigiil­luar­nerulersitsisar­poq

• Isumak­kut anersaak­kul­lu peq­qin­nerulersitsisar­poq

• Isumakulun­ngin­nerulersitsisar­poq, uip­pakajaan­ngin­nerulersitsisar­poq akeq­qersimaan­ngin­nerulersitsarlunilu

• Isumatsaq­qanermut malun­niutikin­nerulersitsisar­poq

IMMINUT ISUMAKKEERFIGISARIT. Im­minut isumak­keerfiginis­saq “iliuusiuvoq saper­nar­ner­paajusin­naasoq”, isumak­kul­li timik­kul­lu “peq­qis­suunis­samut pingaar­ner­paajuvoq”. (Atuagas­siaq Disability & Rehabilitation) Im­minut isumak­keerfigiumal­lutit susin­naavit?

• Piviusorsiorlutit akueriuk inuit tamarmik kuk­kusar­tut – aam­ma il­lit. – Oqaluus­sisar­tup oqaasii 7:20

• Kuk­kusar­nitit ilin­niarfigik­kit kuk­kus­sutigisimasat­tut ilioq­qin­ngin­nias­sagavit

• Utaq­qisin­naas­suseqarit; san­ngiif­fitit ingerlaan­naq peer­navian­ngil­lat. – Efesosimiut 4:23, 24

• Ikin­ngutit qiim­maal­lan­nar­tut, isumal­luar­tut inus­siar­nersul­lu, aam­mali ilin­nut un­neq­qaris­suusut, peqatigisak­kit. – Us­satit 13:20

• Ajual­latsitsisimaguit taman­na nas­suerutigiuk utoq­qatsipal­lal­lutil­lu. Eq­qis­seqateqaruit qamuuna eq­qis­sis­saatit. – Mat­thæusi 5:23, 24

Patriciap eq­qaaneqareersup Biibilimik atuaq­qis­saar­tareerluni isumak­keerfigin­nin­neq ilik­kar­paa. Ima al­lap­poq: “Kaman­neq inuunin­nik tujormisitsisoq misigiun­naar­para. Tujormiun­naar­punga al­lanil­lu tujormisitsisarun­naarlunga. Biibili Guutip uagutsin­nik asan­nin­neranut pitsaaner­paamil­lu kis­saas­sineranut up­per­narsaataavoq.”

Angut Ronimik atilik ima oqar­poq: “Al­lat eq­qarsaataat iliuusiilu aqus­sin­naan­ngilak­ka. Im­minul­li aqus­sin­naavunga. Eq­qis­serusuk­kuma narrutsas­simajun­naar­tariaqar­punga. Eq­qis­sineq narrutsas­simanerlu avan­naanut kujataanul­lu as­sersuut­taler­pak­ka. Ataatsik­koor­tin­neqarsin­naan­ngil­lat. Maan­na ilerasuuteqan­ngilanga.”