Rosie ima oqar­poq: “Ajor­ner­paamik pisoqar­nis­saa er­numagiuaan­narak­ku isumakuluuteqar­tuaan­nar­punga.” Al­las­simaf­fik suna iluaqutigaa? Ilaatigut Matthæusi 6:34: “Aqagus­saq isumakuluutigeqinasiuk; aqagus­saq nam­mineq piminik isumakuluutis­saqas­saaq. Ul­lup suugaluar­tul­luun­niit erloqinar­tua ul­lormut naam­mat­tar­poq.” Rosie maan­na oqar­poq Jiisusip oqaasii taak­ku aqagus­saq pil­lugu isumakulut­tarun­naar­nis­samut iluaqutigalugit. Ima nangip­poq: “Ajor­nar­torsiutik­ka naam­mareermata pisiman­ngitsut im­maqalu pin­ngisaan­nar­tus­sat isumakuluutigisariaqan­ngilak­ka.”

Yasmine aam­ma misigivoq inuunini isumakuluutiminit aqun­neqar­toq. “Sapaatip-akun­neranut ul­lualun­ni qiasar­punga, un­nuil­lu ilaan­ni sinis­sin­naasar­nanga. Misigivunga isumal­luar­nan­ngitsumik eq­qarsar­taaseqar­nera ajoqutigingaarlugu.” Al­las­simaf­fik suna iluaqutigaa? Eq­qaavaa Petrusip allagai siulliit 5:7: ‘Isumakuluutisi tamaasa Guutimut pisis­sigit isumas­sormasi.’ Yasmine ima oqar­poq: “Pif­fis­sap ingerlanerani Jehovamut qinujuar­punga qin­nutik­kalu akivai. Soorlu tas­sa oqimaatsorujus­suaq tuin­nit peer­toq. Ilaan­nik­kut isumal­luar­nan­ngitsumik eq­qarsaq­qiler­tar­punga, maan­nali qanoq ilior­tas­sanerlunga nalun­ngilara.”

Ar­naq inuusut­toq Isabel­lamik atilik ima oqar­poq: “Ataataga kinguar­titerisar­tuum­mat isumaqarlunga taman­na kingor­nut­tagaasoq. Qasuersaar­niaan­narlunga fjer­nsyner­niaan­narlungaluun­niit pingaarutil­lit kinguar­tit­tar­pak­ka. Taamaalior­tar­nera stres­ser­neruler­narami sulinerlut­tun­ngor­titsisaramilu ileq­quuvoq ajor­toq.” Najoq­qutas­siaq Timotheusimik allakkat aappaat 2:15-imiit­toq una iluaqutigaa: ‘Noq­qaas­sutiginiaruk sulisutut kan­ngusuutis­saqan­ngitsutut Guutip saavani misiligaanin­ni at­tas­sinis­sat.’ Isabel­la ima oqar­poq: “Kinguar­titerisar­nera pil­lugu Jehovap kan­ngusuutigis­sagaanga kis­saatigin­ngilara.” Kinguar­titerisarun­naar­poq.

Kelsey as­singusumik ima oqaaseqar­poq: “Pif­fis­saq kingul­ler­paaq atorlugu suliaqar­tar­punga. Qiasar­punga, sinin­ngitsoor­tar­punga isumaalut­tarlungalu. Taman­na ajoqutigaara.” Ussatit 13:16 una iluaqutigaa: “Silatooq kinaluun­niit ilisimasaqar­nik­kut iliuuseqar­tar­poq, sianiitsul­li sianiis­suseq siaruar­tit­tar­paa.” Kelsey nas­suiaavoq al­las­simaf­fim­mik tamatumin­nga eq­qarsaatigin­neq­qis­saar­nik­kut ima ilik­kagaqarluni: “Iliuuseqar­neq pilersaarusior­nerlu silatusaar­neruvoq. Maan­na al­laf­fin­ni qaam­matisiuteqar­punga sulias­san­nik al­lat­tuif­figisan­nik, taman­nalu pilersaarusior­nis­san­nut iluaqutigaara pif­fis­samut kingul­ler­paamut kinguar­titerin­ngin­nias­sagama.”

“Uima qimap­paatigut qitor­navut sisamat mikisuusut,” Kirsten oqalut­tuar­poq. Al­las­simaf­fik suna iluaqutigaa? Ussatit 17:17: “Ikin­ngutaasup asan­nis­sutsi tamatigut takutit­tar­paa, qatan­ngutaasorlu er­niusimavoq an­nikil­lior­nermi ikior­tis­saal­luni.” Kirstenip Jehovamik pal­lorfigin­nit­tut al­lat ikior­tis­sarsiorfigai. Suna paasivaa? “Ikin­ngutima arlalip­pas­suar­tigut ikior­paan­nga! Ilaasa nerisas­sat naasul­lu silatitsin­nut ilisar­paat. Inup­paaluit qitor­nak­kalu pingasoriarluta il­lumut al­lamut nuun­nitsin­ni ikior­paatigut. Ataatsip sulif­fis­sarsior­nin­ni ikior­paanga. Ikin­ngutik­ka ikiueriaan­naajuaan­nar­put.”

Delina, siusin­nerusuk­kut eq­qaaneqar­toq, aam­ma kiserlior­poq. An­naasar­pas­suaqareerluni ima oqalut­tuar­poq: “Soorlu tas­sa inuunerup avataaniit­tunga inuil­lu al­lat tamaasa isigin­naagin­narlugit. Kiserlioqaanga.” Al­las­simaf­fik Tussiaat 68:7 iluaqutigaa: “Guuti kiserlior­tunik inigisas­saqar­titsivoq.” Ima nas­suiaavoq: “Nalun­ngilara il­luvik kisimi pineqan­ngitsoq. Paasiler­para Guutip neqeroorutigigaa angerlarsimaf­fik anersaak­kut it­toq, isuman­naatsuuf­fiusoq Jehovamik asan­nit­tunut al­lanut at­taveqar­titsil­lunilu misigis­sutsik­kut pisariaqar­titanik matus­susiif­fiusoq. Nalun­ngilarali inun­nut al­lanut qanin­nerulersin­naananga Jehovamut qanil­leq­qaan­ngik­kuma. Taamaalior­nis­san­nut Tussiaat 37:4 iluaqutigaara: ‘Naalagaq qiim­mat­taatigiuk, taas­suma tunisarumaarmatit uum­mativit kis­saatigisaanik.’”

Ima iner­niliivoq: “Paasivara Jehovamut qanin­nerusariaqarlunga. Taan­na ikin­ngutaal­luar­ner­paavoq. Taava al­lal­lu sam­misaqaqatigiis­sutigisin­naasatsin­nik al­lat­tuivunga, Jehovamik asan­nit­tunik ikin­nguteqaler­nias­sagama. Al­lat ajun­ngitsor­taan­nik takun­nis­sin­naaneq naam­mal­luin­nan­ngis­sutaan­nil­lu isigin­ngitsuusaarinis­saq ilik­kar­para.”

Soorunami ikin­ngutit Guutimut kif­far­tor­tut suli naam­mal­luin­nan­ngitsuup­put. Jehovap Nalunaajaasui inut­tul­li al­latut ajor­nar­torsiuteqar­put. Biibilili tun­ngavigalugu ilin­niar­titaasut ajor­nan­ngik­kaangat al­lanik ikiuinis­samut kajumit­tar­put. Taama it­tunik ikin­nguteqar­neq silatusaar­neruvoq. Taavami ul­lumik­kut aaq­qin­neqarsin­naan­ngitsunik ajor­nar­torsiuteqar­tut, soorlu katsorsar­neqarsin­naan­ngitsumik nap­paateqar­tut aliasut­tul­lu, iluaqutigisin­naasaan­nik Biibilimi najoq­qutas­siaqar­pa?