Il­loqarfeeq­qami Texcocomi inun­ngor­punga. Taamanik­kut aq­quser­ngit asfalteqan­ngil­lat pujoralaqalutil­lu, inuil­lu nunaqarfeeq­qaniit qanit­tuneersut tuniniagas­satik siutituumut ilil­lugit il­loqarfiliar­tut takul­lugit nalingin­naavoq. Ilaqut­tak­ka piitsooqaat. Qatan­ngutigiit qulingiluaavugut, uangalu arfineq marloraan­nga. Ataatama ilaqut­tani pilersor­niarlugit aloqutinik iluarsaas­sisar­poq. Arfineq marlun­nik ukioqar­tunga ataataga toquvoq, tamatumalu kingor­na anaanaga nerisas­saqar­nias­sagat­ta suleruloor­tariaqar­poq.

Aataga agis­samik nipilersor­tar­poq, nipilersoqatigiin­nilu up­perisarsior­nermut tun­ngasunik nipilersor­tar­tuni aqutsisuul­luni. Ilaqut­tak­ka tamangajam­mik nipilersuum­mik nipilersor­tar­put. Anaanaga oqaluf­fim­mi erinarsoqatigiin­ni erinarsor­tar­tuuvoq, angaaralu erin­niarsuar­nik erinarsor­tar­tuuvoq pat­tat­tar­tuul­lunilu. Up­perisatsin­nik pingaar­titsisuuvugut. Nukap­piaraavunga palasimut ikior­taasoq katuul­litul­lu ajoqersuiar­tor­titan­ngor­nis­sara takorloor­tar­para. Filmil­li karater­nermut tun­ngasut isigin­naas­sal­lugit aam­ma nuan­naraak­ka. Taak­ku isigin­naar­neruleralut­tuin­nar­til­lugit kamajaneruler­punga.

Ilin­niarfim­mi seminaariatut it­tumi up­periarsior­nermut tun­ngasumi il­loqarfim­mi Pueblamiit­tumi ilin­nialer­punga. Anguniagarivaralu katuul­litut palasin­ngor­nis­sara. Ukiumi kingul­lermi ilin­niar­tuunin­ni katuul­lit oqaluf­fian­nut pakatsil­luin­nar­punga. Ar­nap inuusut­tup mat­tut­tup qanin­niarfigaanga, us­ser­nar­torsior­tin­neqar­nerli taman­na akior­para. Taamatut pisoqareer­nerata kingor­na katik­kusuler­punga. Maluginiar­paralu palasit amerlasuut peq­qusersusaarlutik inuusut. Tamatuma kingor­na palasin­ngor­nis­sara anguniagariun­naar­para.

 Aalajanger­punga nipilersor­nermik tun­ngasunik National Conservatory of Music-imi Mexico Citymiit­tumi ilin­nialer­niarlunga. Soraarum­meereerlunga katip­punga, sivitsun­ngitsorlu nuliaralu sisamanik meerar­taar­pugut. Ilaqut­tak­ka pilersor­niarlugit katuul­lit oqaluf­fian­ni erinarsor­tar­punga.

Aap­pariilersimatsiaan­narlutali an­ner­tuumik ajor­nar­torsiuteqaler­pugut. Nuliara sangiaf­figisarak­ku nuliamalu ningarfigisarmanga im­mitsin­nut nakuuserfigisar­pugut. Aal­laq­qaam­mut oqaasiin­nak­kut im­mitsin­nut saas­sutarisar­pugut, kingor­nali paaral­lat­taler­pugut. Ukiut 13-it aap­pareereerluta aalajanger­pugut averuser­niarluta, kingusin­nerusuk­kul­lu avip­pugut.

Suli averuser­nanga Jehovap Nalunaajaasuinik naapitseq­qaar­punga. Oqaluus­sisar­tut marluk kasut­torfigaatigut Biibililu pil­lugu oqaloqatigerusul­lunga. Isumaqar­pungali up­perisaq pil­lugu ilisimasaqar­nerul­lunga, taamaat­tumik kuk­kuneran­nik paasitik­kusup­pak­ka. Apeq­qutit akineqarsin­naan­ngis­sorisak­ka pil­lugit aperivak­ka. Tupaal­laatigivarali tamatigut Biibili tun­ngavigalugu pitsaasunik akisarman­nga. Paasiler­paralu qanoq ilisimasakitsigalunga. Nuliamali oqaluus­sisar­tut sorraaf­figisar­pai uangalu ulap­puteqar­tuarama pulaar­neqas­saar­pugut.

Ukiut tal­limat qaangium­mata ar­namik al­lamik, Elviramik atilim­mik, inooqateqarlunga Jehovamut Nalunaajaasut at­taveqarfigeq­qiler­pak­ka. Elvirap Jehovap Nalunaajaasui akerlilersun­ngin­namigit Biibili aalajangersimasumik atuaq­qis­saar­taler­para. Taamaak­kaluar­torli aatsaat ukior­pas­suit ingerlaneran­ni inooriaaserisara al­lan­ngor­tik­kiar­tuaar­para.

Paasiler­para uum­matik­kut iluun­ngarlunga Jehova kif­far­torfigis­saguk­ku an­ner­tuumik al­lan­nguisariaqarlunga. Siul­ler­tut katuul­lit oqaluf­fian­ni erinarsor­tar­tuunera unitsit­tariaqar­para, al­lamil­lu sulif­fit­taar­tariaqarlunga. (Saq­q 18:4) Aam­ma Elvira inatsisit naaper­torlugit katit­tariaqar­para.

Al­lan­nguinis­san­nut saper­nar­ner­paaq tas­saavoq kamajanerma aqun­nis­saa. Ingam­mik Biibilimi al­las­simaf­fiit marluk iluaqutigaak­ka. Al­las­simaf­fim­mi siul­lermi Tus­siaat 11:5-imi ersersin­neqar­poq Jehovap nakuuser­neq uumigigaa. Aam­ma al­las­simaf­fiup aap­paani Petrusip al­lagai siul­liit 3:7-imi ersersin­neqar­poq Jehovamit tusar­neqas­saguma nuliara ataq­qisariaqarlugu. Al­las­simaf­fiit taak­ku eq­qarsaatigeq­qis­saarlugil­lu Jehovamut qinusar­nera iluaqutigalugu pif­fis­sap ingerlaneran­ni kamajanerma aqun­nis­saa ilin­niar­para.

Maan­nak­kut ilaqutariit­tut pil­luarluta inuuvugut. Nulian­nik siul­lermik er­nik­ka ajun­ngitsumik at­taveqarfigil­lualer­nis­sai sulis­sutigiuaan­nar­para, aam­ma maan­na nuliama meeq­qat­talu up­per­nerat nakus­satsin­neqar­tuar­nis­saan­nut ikior­tar­pak­ka.

Meeraagal­larama palasin­ngor­nis­sara inun­nil­lu al­lanik ikiuinis­sara takorloor­tar­para. Maan­nak­kul­li misigivunga inuunera siuner­taqavit­toq. Nipilersor­nermik ilin­niar­titsinik­kut ilaqut­tak­ka pilersor­tar­pak­ka. Qujamasuutigeqaara inuunin­nik al­lan­nguinis­san­nut Jehovap kamagit­tarfigisimam­manga, inut­tul­lu pitsan­ngorsin­naanis­san­nut periarfis­sil­lunga.