Oqaat­sit pingaar­nerit erseq­qis­sak­kit. Al­las­simaf­fik atuariarlugu oqaatsit pingaar­ner­tut oqaatiginiak­kan­nut at­tuumas­suteqar­tut erseq­qis­sak­kit. Taamaaliorsin­naavutit oqaatsit oqaatigeq­qin­nerisigut imaluun­niit tusar­naar­tivit oqaatsinik pingaar­ner­nik oqaatigin­nin­nis­saan­nut iluaqutaasunik apeq­quteqar­nik­kut.

Oqaatiginiak­kat er­seq­qis­saruk. Al­las­simaf­fiup atuar­nis­saanut pis­sutaasoq paasiuminar­tumik oqaatigiguk­ku al­las­simaf­fim­mi oqaatsit pingaar­nerit pis­sutaasumut qanoq at­tuumas­suteqar­tut nas­suias­savat.

Paasiuminar­tumik nas­suiaagit. Pingaar­ner­tut oqaatiginiak­kan­nut im­mik­kuualut­tut iluaqutaan­ngitsut tul­luan­ngitsul­luun­niit oqaatigeqinagit. Tusar­naar­tivit sam­misaq pil­lugu nalun­ngeriigaat tun­ngavigalugit aalajangis­savat tusar­naar­tivit oqariar­tuutigineqar­tumik paasin­nin­nis­saan­nut paasis­sutis­sat qanoq amerlatigisut pisariaqar­nersut.