KAPITALI 14
Ilaqutariittut qanoq pillualertoqarsinnaasoq
-
Uiulluassagaanni suut pisariaqarpat?
-
Qanoq ililluni nuliaallualertoqarsinnaava?
-
Angajoqqaajulluassagaanni suut pisariaqarpat?
-
Meeqqat qanoq ilaqutariinnik pilluarnerulersitseqataasinnaappat?
1. Ilaqutariittut pillualissutaasoq pingaarnerpaaq suua?
JEHOVAP GUUTIP kissaatigaa ilaqutariittut pilluassasugut. Taassuma Biibilimi ilaqutariinniittut tamaasa immikkut najoqqutassaqartippai sumik piumasaqarnerminik ersersitsisunik. Ilaqutariit Guutip siunnersuutaanik maleruaasarunik ilaqutariittut pilluassapput. Jiisusi ima oqarpoq: “Pilluarput Guutip oqaasianik tusartut toqqorlugulu [tassa: maleruarlugulu]!” – Lukasi 11:28.
2. Ilaqutariittut pilluarnissamut suna pingaaruteqarnerpaava?
2 Ilaqutariit pilluassappata pingaaruteqarnerpaavoq ilaqutariinniittut ilaqutariittut aaqqissuussaanerup Jehovamit, Jiisusip ‘ataatatsinnik’ taasaanit, pilersinneqarsimaneranik akuerinninnissaat. (Matthæusi 6:9) Ataatarput qilammiusoq ilaqutariittut aaqqissuussaanermik pilersitsisuugami ilaqutariittut qanoq pillualertoqarsinnaanersoq nalunngilluinnarpaa. Taavami ilaqutariinniittut tamarmik immikkut inissisimaffiat pillugu Biibilimi qanoq ajoqersuuteqarpa?
ILAQUTARIITTUT AAQQISSUUSSAANEQ GUUTIP PILERSITARAA
3. Ilaqutareeqaleqqaarnera Biibilimi qanoq oqaluttuarineqarpa, tamatumalu ilumoortuunera qanoq ililluta nalunngilarput?
3 Jehovap inuit siulliit, Adami Evalu, pinngortippai katitillugillu tassaalersillugit uiusoq nuliaasorlu. Paratiisimi alianaatsumi 1 Mosesi 1:26-28; 2:18, 21-24) Tamanna oqaluttualiaannaanngilaq. Ilaqutariittut aaqqissuussaanerup pilersinneqarnera pillugu Mosesimik allakkani siullerni allassimasut ilumoortuunerat Jiisusip uppernarsarpaa. (Matthæusi 19:4, 5) Ajornartorsiuterpassuaqaraluartoq maannakkullu inuuneq Guutip siunertaatut inngikkaluartoq sooq ilaqutariittut pilluartoqarsinnaanersoq misissoriartigu.
nunarsuarmiittumi – naatsiivimmi Edenimi – najugassippai imalu oqarfigalugit: “Kinguaassiorlusi amerliartoritsi nunarsuaq tamakkerlugu ilissinnullu naalatsigitillugu.” (4. (a) Ilaqutariinniittut tamarmik immikkut qanoq ilillutik ilaqutariinnik pilluarnerulersitseqataasinnaappat? (b) Ilaqutariinniittut tamarmik Jiisusip inuunera pillugu ilisimasaqarnissaat sooq taama pingaaruteqartigaa?
4 Ilaqutariinniittut tamarmik immikkut Guutip asanninnermik ersersitsineranik ilaarsinermikkut ilaqutariinnik pilluarnerulersitseqataasinnaapput. (Efesosimiut 5:1, 2) Qanorli Guuti takusinnaanngisarput ilaarsinnaavarput? Guutip angajulliliaata maligassiaanik malinninnitsigut. (Johannesi 1:14, 18) Erneq taanna, Jiisusi Kristusi, nunarsuarmiinnermini Ataataminik qilammiusumik ilaarsilluangaarmat taassuma ilaginera tusarnaarneralu Jehovap ilagineratulli tusarnaarneratullu iinnarpoq. (Johannesi 14:9) Jiisusip qanoq asannittuliortarnera pillugu ilinniarnitsigut maligassiaanillu maleruaanitsigut tamatta ilaqutariittut inuunitsinnik pitsaanerulersitseqataasinnaavugut.
UIUSUNUT MALIGASSAQ
5, 6. (a) Jiisusip ilagiinnik pinnittarnermigut uiusunut qanoq maligassiuiva? (b) Ajortulianik isumakkeerfigineqassagaanni qanoq iliortoqartariaqarpa?
5 Biibilimi allassimavoq uiusut nuliatik Jiisusip ajoqersukkaminik pinnittarsimaneratut pisassagaat. Siunnersuut Biibilimeersoq una eqqarsaatigeriaruk: “Angutit, nuliasi asassavasi soorlu Kristusip ilagiit asagai imminullu tunniulluni taakku pillugit ... Taamatut aamma uiusut nuliatik asassavaat namminneq timimittut. Nuliaminik asannittoq imminik asavoq. Inuummi timini uumissunngisaannarpaa, kisianni inuussutissittarpaa paaqqisarlugulu soorlu Kristusip ilagiit taama pisarai.” – Efesosimiut 5:23, 25-29.
Johannesi 13:1; 15:13) Tamatumunnga assingusumik uiusut ima kajumissaarneqarput: “Nuliasi asassavasi, peqqarniisaarfigeqinasigillu.” (Kolossemiut 3:19) Uiusup siunnersuut tamanna maleruarlugu nuliaminik asannittuarnissaminut suna iluaqutigisinnaavaa, pingaartumik nuliani sianiilliorsimappat? Eqqaamasariaqarpai nammineq kukkusarnini Guutimillu isumakkeerfigineqassaguni qanoq iliortariaqarnini. Qanoq iliortariaqarami? Imminut ajortuliortut – aamma nuliani – isumakkeerfigisariaqarpai. Soorunami nulia aamma taamaaliortariaqarpoq. (Matthæusi 6:12, 14, 15 atuakkit). Pissutissaqarluartumik oqartoqarsimavoq aappariilluartut tassaasut inuit marluk isumakkeerfiginnillaqqissut.
6 Jiisusip ilagiinnik, tassa ajoqersukkaminik, asanninnera uiusunut maligassaavoq naammalluinnartoq. Jiisusip ajoqersukkani naammalluinnartuunngikkaluartut ‘naggatissamut allaat asavai’ taakkulu pillugit inuunini pilliutigalugu. (7. Uiusunut maligassiuilluni Jiisusip suut eqqumaffigai?
7 Uiusut aamma maluginiartariaqarpaat Jiisusip ajoqersukkaminut innimittartuaannarnera. Taakkua pisinnaasaasa killeqarnerat timikkullu pisariaqartitaat eqqumaffigisarpai. Assersuutigalugu ilaanni qasummata ima oqarfigai: “Inoqanngitsumut ilagisinga; taakkuinnaallusi tassani qasuersaatsiarsinnaavusi.” (Markusi 6:30-32) Nuliaasut aamma pisariaqartitatik naapertorlugit innimigineqartariaqarput. Taakku Biibilimi ‘qajannarnerusutut’ allaatigineqarput, uiusullu peqquneqarput nuliaminnik ‘ataqqinneqqullugit’. Sooq? Uiusut nuliaasullu “saammaannermit tunissutaasumik inuussutaasumik ... kingornusseqataasussaammata”. (1 Petrusi 3:7) Uiusut eqqaamasariaqarpaat inuup Jehovap isaani erlinnartunnguutigisaa tassaasoq aalajaassuseq, tassaanani angutaaneq arnaanerluunniit. – Tussiaat 101:6.
8. (a) Uiusup ‘nuliaminik asannittup imminik asannittuunnera’ qanoq paasisariaqarpa? (b) Aappariit ‘uiniunerat ataaseq’ qanoq paasisariaqarpa?
8 Biibilimi allassimavoq uiusoq ‘nuliaminik asannittoq imminik asasoq’. Taamaappoq Jiisusip oqarneratut uiusoq nuliaasorlu ‘marluujunnaarlutik uiniulermata ataaseq’. (Matthæusi 19:6) Taamaattumik aappariit atoqatigiinnermut tunngatillugu aappartik kisiat soqutigissavaat. (Ussatit 5:15-21; Hebræerit 13:4) Tamanna ajornanngilaq aapparisamik pisariaqartitaanik namminissarsioratik isumaginninniartarpata. (1 Korinthimiut 7:3-5) Biibilimi ima allassimavoq: ‘Inuup timini uumissunngisaannarpaa, kisianni inuussutissittarpaa paaqqisarlugulu.’ Uiusup nuliani immisut asasariaqarpaa eqqaamallugulu niaqorisaminut Kristusimut akisussaalluni. – Efesosimiut 5:28, 29; 1 Korinthimiut 11:3.
9. Jiisusip pissusiisa ilaat suna Filippimiunut allakkat 1:8-mi eqqaaneqarpa, aamma sooq uiusut nuliaminnut taamatut pissuseqartariaqarpat?
9 Apustilip Paulusip ‘Kristusi-Jiisusip asanningaarnera’ eqqartorpaa. (Filippimiut 1:8) Aap, Jiisusi saamasuuvoq isumassuisuullunilu. Tamanna arnat taassumunnga ajoqersuganngortut nuannaraat. (Johannesi 20:1, 11-13, 16) Nuliaasullu uiminnit isumassorneqarnissartik asaneqangaarnissartillu pisariaqartippaat.
NULIAASUNUT MALIGASSAQ
10. Jiisusi qanoq ililluni nuliaasunut maligassaava?
10 Ilaqutariit peqatigiiffittut ipput, peqatigiiffillu ingerlalluassaguni siulittaasoqartariaqarpoq, qullersaqartariaqarpoq. Allaammi Jiisusi qullersarisaqarpoq. ‘Kristusip Guuti niaqoraa’, soorlu ‘arnap angut niaqorigaa’. (1 Korinthimiut 11:3) Jiisusi Guutip siulersuineranut naalatsigitinnermigut uagutsinnut maligassaalluarpoq, tamattami qullersaqarpugut.
11. Nuliaasoq uiminut qanoq isiginnittaaseqartussaava, tamannalu qanoq kinguneqarsinnaava?
11 Angutit naammalluinnanngitsut kukkusarput ilaqutariinnilu ittuulluanngitsoortarlutik. Taava nuliaasoq qanoq iliussava? Uini nikassassanngilaa siulersuineranillu arsaarniassanagu. Nuliaasoq silatusaassaaq eqqaamaguniuk ‘anersaaq qanilaartoq’ Guutip isaani naleqangaartuusoq. (1 Petrusi 3:4) Taama ittumik ‘anersaaqaruni’, tassa qanilaartumik isiginnittaaseqaruni, uiminut naalatsigitinnissani ajornannginnerutissavaa, aamma pissutsini unamminiarnartuni. Aammattaaq Biibilimi ima allassimavoq: ‘Nuliaasup uini mianerisussaavaa.’ (Efesosimiut 5:33) Taavami uiusup Kristusi qullersamisut akuerinngippagu? Nuliaasut Biibilimi ima kajumissaarneqarput: “Ilissi nuliaasusi uissinnut naalatsigitissaasi, uiusut ilaat oqaatsimut naalasseriikkaluartut oqaluffigineqanngikkaluarlutik nuliamilli inuusaasiatigut ilanngussinnaaqqullugit Guutimik mianerinnillusi inuunersi minguitsoq takulerunikku.” – 1 Petrusi 3:1, 2.
12. Sooq kukkunerussanngila nuliaasoq ataqqinnilluni isummaminik saqqummiussippat?
12 Uini uppeqatigiguniuk uppeqatiginngikkaluaruniulluunniit, nuliaasoq ataqqinninngitsuliornavianngilaq isummani uimi isumaanit allaanerusoq periaaserilluni oqaatigiguniuk. Nuliaasup isumaa eqqortuusinnaavoq, taamaappallu uiusup nuliaminik tusarnaarnera ilaqutariit iluaqutigisinnaavaat. Sara ilaqutariinni ajornartorsiutaasup qanoq aaqqinneqarnissaanik atoriaannaasumik siunnersuuteqarmat Aaperaap isumaqatiginngilaa, Guutilli oqarfigaa nuliani tusarnaassagaa. (1 Mosesi 21:9-12 atuakkit). Uiusup inaarutaasumik aalajangiinera Guutip inatsisaanut akerliunngikkaangat soorunami aalajangiineranik tapersersuinermigut nuliata naalatsigitinnini ersersittassavaa. – Apustilit Suliaat 5:29; Efesosimiut 5:24.
13. (a) Titusimut allakkat 2:4, 5 naapertorlugit arnat aappallit qanoq kajumissaarneqarpat? (b) Averuserneq avinnerlu pillugit Biibilimi qanoq allassimasoqarpa?
13 Nuliaasoq akisussaaffimminik eqqortitsilluni ilaquttaminik assigiinngitsorpassuartigut isumassuisinnaavoq. Assersuutigalugu Biibilimi ersersinneqarpoq arnat aappallit ‘uiminnik qitornaminnillu asannittuussasut, silatusaassasut, ningiuulluartuussasut, ajunngitsuussasut uiminnullu naalatsigitissasut’. (Titusi 2:4, 5) Nuliaasoq anaanaasorlu taama pissuseqartoq ilaquttaminit asaneqarlunilu ataqqineqassaaq. (Ussatit 31:10, 28 atuakkit). Aappariilli tassaapput inuit naammalluinnanngitsut marluk. Taamaattumik pissutsit ima ilungersunartigisinnaapput allaat averusernermik imaluunniit avinnermik kinguneqarsinnaallutik. Pissutsini aalajangersimasuni averusernissaq Biibilimi akuerineqarpoq, tamannali eqqarsaatigilluaqqaarnagu iliuuserineqartussaanngilaq. Biibilimi allassimavoq ‘nuliap uini qimassanngikkaa uiusuttaarlu nuliani avissanngikkaa’. (1 Korinthimiut 7:10, 11) Biibili naapertorlugu avinnissamut pissutissatuaavoq aappaasup allasiorsimanera. – Matthæusi 19:9.
ANGAJOQQAANUT MALIGASSAQ NAAMMALLUINNARTOQ
14. Jiisusi meeqqanik qanoq pinnittarpa, meeqqallu suna angajoqqaaminnit pisariaqartippaat?
14 Jiisusip meeqqanik pinnittarnera angajoqqaanut maligassaavoq naammalluinnartoq. Meeqqat imminut qanillitsaalineqarmata Jiisusi ima oqarpoq: “Meerannguit uannut qaaginnarlit, akornuseqinasigillu.” Biibilimilu oqaluttuarineqarpoq taama oqareerami Jiisusip meeqqat ‘pakkullugillu pilluaqquai’. (Markusi 10:13-16) Jiisusip meeqqat piffissaqarfigisarmagit uagut qitornavut piffissaqarfigisariaqarpavut, ilaa? Imaanngilaq piffissani sivikitsuinnarni pisariaqartikkaatigut. Uagutsinnit piffissaqarfigilluarneqartarnissartik pisariaqartippaat. Ilinniartinnissaannut piffissaqartariaqarpugut, Jehovammi angajoqqaat taamaalioqquai. – 5 Mosesi 6:4-9 atuakkit.
15. Angajoqqaat qitornatik sernissorniarlugit qanoq iliorsinnaappat?
15 Silarsuaq inuuffigisarput ajorsiartuinnartillugu angajoqqaat qitornaminnik ajoqusiiniartunut, assersuutigalugu meeqqanik kinguaassiuutitigut atornerluisartunut, sernissuinissaat pisariaqarnerujartuinnarpoq. Eqqarsaatigeriaruk Jiisusip ajoqersukkani, asannilluni ‘qitornaminik’ taasani, qanoq sernissorai. Tigusaagami nalunnginnamiullu qanittukkut toqutaajumaarluni Johannesi 13:33; 18:7-9) Qitornaqaruit Diaavulup taakkuninnga ajortumeeriniaanera eqqumaffigisariaqarpat. Siumut mianersoqqusariaqarpatit. * (1 Petrusi 5:8) Meeqqat timikkut, anersaakkut ileqqussatigullu ullumikkut aatsaat taama navianartorsiortinneqartigipput.
ajoqersukkani aniguinissaannut periarfissiuuppai. (16. Jiisusip ajoqersukkami naammalluinnanngissutaannut qisuariartarnera angajoqqaat qanoq ilinniarfigisinnaavaat?
16 Jiisusip toqutaanissaanut aqaguttoq ajoqersugaasa assortuussutigaat Lukasi 22:24-27; Johannesi 13:3-8) Qitornaqaruit periarfissaqarputit Jiisusip maligassiaa malillugu taakkuninnga ilinniartitsinissannut. Meeqqat naqqissorneqarnissartik pisariaqartittarpaat, “kisianni ingasaassaanngitsumik”, kamannertaqanngisaannartumik. Oqaatsit eqqarsaatigeqqaanngisat ‘panatut kapisisutut’ ittut aniatissanngilatit. (Jeremia 30:11; Ussatit 12:18) Qitornanik perorsaaneq imaattariaqarpoq: Qitornaasut kingusinnerusukkut paasisinnaasariaqarpaat perorsarluarneqarsimallutik. – Efesosimiut 6:4; Hebræerit 12:9-11.
kina arlartik annertarineritsik. Jiisusip kamaannagit oqaatsimigut iliuutsimigullu asannittumik kajumissaaqqippai. (MEEQQANUT MALIGASSAQ
17. Jiisusi qanoq meeqqanut maligassaava naammalluinnartoq?
17 Meeqqat Jiisusi ilinniarfigisinnaavaat? Ilaana! Jiisusip maligassiuinermigut ersersippaa meeqqat angajoqqaaminnut naalattussaasut. Ima oqarpoq: ‘Ataatap uannut ajoqersuutaa malillugu oqaluppunga.’ Imalu nangilluni: ‘Tamatigut iluarisaanik iliortarpunga.’ (Johannesi 8:28, 29) Jiisusi Ataataminut qilammiusumut naalattuuvoq, Biibilimilu allassimavoq meeqqat angajoqqaatik naalassagaat. (Efesosimiut 6:1-3 atuakkit). Allaat Jiisusip meeqqap naammalluinnartup angajoqqaani naammalluinnanngitsut, Josefi Marialu, naalappai. Tamanna Jiisusip ilaqutaasa iluaqutigisimassavaat. – Lukasi 2:4, 5, 51, 52.
18. Sooq Jiisusip Ataatani qilammiusoq naalattuaannarpaa, meeqqallu angajoqqaaminnut naalakkaangata kikkut nuannaartarpat?
18 Meeqqat Jiisusimik ilaarsineruniarlutik iliuuseqarsinnaappat, taamalu angajoqqaatik nuannaartillugit? Meeqqat inuusuttullu angajoqqaaminnut naalannissartik ilaannikkut ajornakusoortittaraluaraat Guutip kissaatigaa naalattuussasut. (Ussatit 1:8; 6:20) Jiisusip Ataatani qilammiusoq tamatigut naalattarpaa, aamma pissutsini artornartuni. Ilaanni Jiisusi Guutimit imaannaanngilluinnartumik piumaffigineqarami ima oqarpoq: “Piumaguit ermuseq [piumasaqaat] manna uannit peeruk.” Taamaakkaluartoq Jiisusi Guutimit peqquneqarnini malillugu iliorpoq. Nalunngilaa Ataatami nalunngikkaa suna pitsaanerpaajunersoq. (Lukasi 22:42) Meeqqat naalannerup ilinniarneratigut angajoqqaatik Ataatartillu qilammiusoq nuannaartingaartarpaat. * – Ussatit 23:22-25.
19. (a) Saatanip meeqqat qanoq usserniartarpai? (b) Qitornaq assuarnartuliorpat tamanna angajoqqaajusunut qanoq sunniuteqarsinnaava?
19 Diaavulup Jiisusi usserpaa, qularnanngitsumillu aamma meeqqat inuusuttullu eqqunngitsuliortinniarlugit usserniarumaarpai. (Matthæusi 4:1-10) Saatanip Diaavulup ilagisartakkanit tatineqarneq sakkugisarpaa, tamannalu akioruminaassinnaavoq. Taamaattumik pingaaruteqarluinnarpoq meeqqat Guutip inatsisaanik unioqqutitsisartunik peqateqartannginnissaat. (1 Korinthimiut 15:33) Jaakup pania Dina Jehovamut pallorfiginnittuunngitsunik peqateqartarpoq, tamannalu ajornartorsiuterpassuaqalersitsivoq. (1 Mosesi 34:1, 2) Eqqarsaatigiuk kinguaassiuutitigut assuarnartuliortoqarpat ilaqutaasunut qanoq alianartigissanersoq. – Ussatit 17:21, 25.
ILAQUTARIITTUT PILLUALISSUTAASOQ PINGAARNERPAAQ
20. Ilaqutariinniittut tamarmik immikkut qanoq iliortariaqarpat ilaqutariit pilluartooqqullugit?
20 Siunnersuutit Biibilimeersut malikkaanni ilaqutariinni ajornartorsiutit aaqqikkuminarnerussapput. Siunnersuutinik tamakkuninnga Ussatit kapitali 31-mi allaatigineqartoq ilaaruk. (Ussatit 31:10-31) Angajoqqaat qitornaminnik ilinniartitseqqullugit kajumissaarneqarput. (Ussatit 22:6) Ataataasut ‘inoqutiminnik paarsilluartooqqullugit’ (1936) kajumissaarneqarput. (1 Timotheusi 3:4, 5; 5:8) Meeqqallu kajumissaarneqarput angajoqqaaminnut naalattooqqullugit. (Kolossemiut 3:20) Ilaqutariinniittumik naammalluinnartoqanngilaq, tamarmimmi kukkusarput. Taamaattumik maniguuttuugitsi, immissinnullu isumakkeerfigeqqusaritsi.
malinninneq ilaqutariittut pillualissutaavoq pingaarnerpaaq. Uiusoq ima kajumissaarneqarpoq: Nuliat asajuk, Jiisusillu ilagiinnik pinnittarneratut nuliat pisaruk. Nuliaasoq ima kajumissaarneqarpoq: Uivit siulersuineranut naalatsigitigit, nuliaasorlu maligassiuilluartoq21. Siunissaq nuanningaartoq suna neriuutigisinnaavarput, qanorlu ilaqutariittut pilluarneq maanna nuannaarutigisinnaavarput?
21 Biibili ilaqutariittut inuunermut tunngasunik siunnersuuterpassuarnik ilitsersuuterpassuarnillu naleqangaartunik imaqarpoq. Aammattaaq Guutip silarsuassaa nutaaq – nunarsuarmi paratiisi inunnik Jehovamut pallorfiginnittunik ulikkaartoq – pillugu tassani paasitinneqarpugut. (Saqqummersitat 21:3, 4) Siunissamut neriuut nuanningaarami! Siunnersuutillu Guutip oqaasianeersut malikkutsigit maannangaaq ilaqutariittut pilluarneq nuannaarutigisinnaavarput.
^ par. 15 Meeqqanik sernissuinermi iluaqutaasinnaasut uani sammineqarput: Atuagaq Ajoqersuisorsuaq ilinniarfigiuk, kap. 32. Jehovap Nalunaajaasuinit saqqummersinneqartoq.
^ par. 18 Taamaallaat meeraq angajoqqaaminit Guutip inatsisaanut akerliusumik ilioqquneqaruni naalannginnissaa eqqortuliornerussaaq. – Apustilit Suliaat 5:29.