តើការលេងល្បែងស៊ីសងជាអំពើខុសឆ្គងឬទេ?
ចម្លើយក្នុងគម្ពីរ
ទោះជាគម្ពីរមិនបានរៀបរាប់យ៉ាងល្អិតល្អន់អំពីការលេងល្បែងស៊ីសងក៏ដោយ តាមរយៈគោលការណ៍គម្ពីរ យើងអាចយល់ថា ព្រះចាត់ទុកការលេងល្បែងស៊ីសងជាអំពើខុសឆ្គង។—អេភេសូរ ៥:១៧. a
ការលេងល្បែងស៊ីសងបានត្រូវជំរុញដោយចិត្តលោភលន់ ជាអ្វីដែលព្រះស្អប់។ (កូរិនថូសទី១ ៦:៩, ១០; អេភេសូរ ៥:៣, ៥) អ្នកលេងល្បែងស៊ីសងសង្ឃឹមថាឈ្នះលុយពីអ្នកចាញ់ ប៉ុន្តែគម្ពីរផ្ដន្ទាទោសការប៉ងប្រាថ្នាចង់បានរបស់អ្នកឯទៀត។—និក្ខមនំ ២០:១៧; រ៉ូម ៧:៧; ១៣:៩, ១០
ការលេងល្បែងស៊ីសងសូម្បីតែភ្នាល់ដាក់លុយតិចតួចក៏ដោយ អាចនាំឲ្យអន្តរាយដោយសារធ្វើឲ្យចាប់ផ្ដើមស្រឡាញ់ប្រាក់។—ធីម៉ូថេទី១ ៦:៩, ១០
អ្នកលេងល្បែងច្រើនតែពឹងលើអបិយជំនឿឬសំណាងល្អ។ ក៏ប៉ុន្តែ ចំពោះព្រះយេហូវ៉ាជំនឿបែបនោះគឺជាការគោរពបូជារូបព្រះ ដែលមិនត្រូវគ្នានឹងការគោរពប្រណិប័តន៍លោកឡើយ។—អេសាយ ៦៥:១១
ជាជាងលើកស្ទួយការចង់បានអ្វីមួយដោយមិនចង់ធ្វើអ្វីសោះ គម្ពីរលើកទឹកចិត្តឲ្យខំប្រឹងធ្វើការ។ (សាស្ដា ២:២៤; អេភេសូរ ៤:២៨) ពួកអ្នកដែលធ្វើតាមឱវាទគម្ពីរអាច«បរិភោគអាហារដែលពួកគេបានមកពីការខំប្រឹងរបស់ខ្លួន»។—ថែស្សាឡូនិចទី២ ៣:១០, ១២
ការលេងល្បែងស៊ីសងអាចបង្កើតឲ្យមានការប្រកួតប្រជែងគ្នាហួសប្រមាណ ដែលមិនសមស្របនឹងគម្ពីរ។—កាឡាទី ៥:២៦
a ការលេងល្បែងស៊ីសងបានត្រូវរៀបរាប់ក្នុងគម្ពីរតែមួយដងប៉ុណ្ណោះ គឺទាក់ទងនឹងពេលពួកទាហានជនជាតិរ៉ូមបានចាប់ឆ្នោតដើម្បីបានសម្លៀកបំពាក់របស់លោកយេស៊ូ។—ម៉ាថាយ ២៧:៣៥; យ៉ូហាន ១៩:២៣, ២៤
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
បញ្ហាលុយកាក់និងបំណុល តើគម្ពីរអាចជួយបានទេ?
លុយមិនអាចទិញសុភមង្គលបានទេ តែក្នុងគម្ពីរមានគោលការណ៍បួនដែលអាចជួយលោកអ្នកពេលមានបញ្ហាខាងលុយកាក់។
