Kana. Etu ki tu tena ku banza kuila, mukonda dia ku boka ngó nzo ni inzo, tua-nda nganhala o muenhu. (Efezo 2:8) Mukonda diahi ki tu tena ku banza kiki?

 Xinganeka hanji mu kifika kiki: Banza kuila muthu ua lenduka u kanena ku bhana ujitu ua dikota phala athu oso a xikina kuia mu kididi, mu ola ia xindi muene. O kuila eie u-nda kaiela o itendelesu ia muthu iú? Kiene, ua-nda kaiela! Mu kiki, eie uanda tangela ku jindandu jê, ni mak’amba mê phala ku tambula o ujitu iú. O ujitu iú ki u tokala, mukonda dia ku kaiela o itendelesu ia muthu iú. Muéne u ku bhana ngó mukonda dia muéne ku kala muthu ua lenduka.

 Kiki kia difuangana ni Jimbangi ja Jihova, ene a xikina mu ikanenu ia Nzambi ia lungu ni ku bhana o muenhu ua kalelaku, ku athu oso a mu belesela. (Loma 6:23) Etu tua mu suína mu ku zuela ni athu milongi ia lungu ni kixikanu kietu. Ni ku tangela ku athu oso kuila, Nzambi ua mesena ene a tambula o muenhu ua kalelaku. (Loma 1:17; 3:28) Maji etu ki tu xikina kuila, mukonda dia ku boka ngó tua-nda bhuluka. “Muène o ku tu bhulula, ki kia kaiela mu imbamba ia ku uikuka kuetu i tua bhange etu, maji mu kulenduka kuê muéne”—Tito 3:5.